بٷگٸن فۋتزالدان قازاقستان قۇراماسى ەلەم چەمپيوناتىنىڭ ەكٸنشٸ ٸرٸكتەۋ ساتىسىنداعى كەزەكتٸ ويىنىن چەرنوگوريياعا قارسى ٶتكٸزدٸ, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
كەزدەسۋ بارىسىندا قازاقستاندىق فۋتزالشىلار سەنٸمدٸ ويىن كٶرسەتتٸ.
نەتيجەسٸندە بٸرٸنشٸ كەزەڭدە ەل قۇراماسىنان جۋنيور دۋگلاس 1-مينۋتتا ەسەپ اشسا, ابديراسۋل ەبدٸماناپۇلى – 3, ارنولد كناۋب 14-مينۋتتاردا ەسەپتٸ ٷستەمەلەي تٷستٸ.
ەكٸنشٸ كەزەڭنٸڭ 21-مينۋتىندا البەرت اقبالىقوۆ مەرگەندٸك تانىتسا, بٸرجان ورازوۆ 24 جەنە 25-مينۋتتاردا كٶزدەگەن نىسانادان مٷلت كەتكەن جوق. ويىن نٷكتەسٸن 39-مينۋتتا ازات ۆاليۋللين قويدى.
وسىلايشا ەل فۋتزالشىلارى قارسىلاسىنان 7:0 ەسەبٸمەن باسىم تٷستٸ.
ەل قۇراماسى بەسٸنشٸ توپتا سىنعا تٷسەدٸ. قارسىلاستارى - سلوۆەنييا مەن چەرنوگورييا.
بۇعان دەيٸن قازاقستاندىق فۋتزالشىلار ٶز الاڭىندا سلوۆەنييانى 2:0 ەسەبٸمەن تٸزە بٷكتٸرٸپ, سىرت الاڭدا چەرنوگورييانى 5:1 ەسەبٸمەن جەڭدٸ.
ٶز توبىندا توعىز ۇپايمەن بٸرٸنشٸ ورىندا كەلە جاتقان قازاقستان قۇراماسى بٸر تۋر بۇرىن ٷشٸنشٸ ٸرٸكتەۋ كەزەڭٸنە جولداما الدى.
ەندٸ قۇرامامىز 2023 جىلدىڭ 8 ناۋرىزىندا سىرت الاڭدا سلوۆەنييامەن تاعى بٸر مەرتە كەزدەسەدٸ.
فۋتزالدان قازاقستان قۇراماسى ەلەم چەمپيوناتىنىڭ فينالدىق ساتىسىندا 2000, 2016, 2021 جىلداردا سىنعا تٷسٸپ, 2021 جىلى تٶرتٸنشٸ ورىنعا تابان تٸرەگەن ەدٸ.
