Foto: Kapital.kz
Taldyqorǵan qalalyq soty «Jetisý» fýtbol klýby» KMQK direktory K. Donsebaevqa qatysty úkim shyǵardy, dep habarlaidy Ult.kz.
Donsebaev oqý-jattyǵý jiyndaryn ótkizý kezinde klýb fýtbolshylarynyń tamaqtanýyna bólingen 31,9 mln teńge mólsherinde biýdjet qarajatyn jymqyrǵany úshin kináli dep tanyldy.
"Zalaldyń tolyq ótelýine jáne aýyr syrqattyń bolýyna bailanysty Donsebaev memlekettik qyzmette jáne kvazimemlekettik sektor sýbektilerinde qyzmet atqarýǵa ómir boiy tyiym salýmen 7 jylǵa bas bostandyǵyn shekteýge sottaldy", - delingen habarlamada.
Úkim zańdy kúshine endi.
