Búgin Shveitsariianyń Non qalasynda fýtboldan 21 jasqa deiingi jastar arasynda 2023 jylǵy Eýropa chempionaty irikteý kezeńiniń jerebesi tartyldy, dep habarlaidy "Ult aqparat".
Qazaqstan jastary I tobyna tústi. Qarsylastary - Daniia, Belgiia, Túrkiia jáne Shotlandiia quramalary.
Ózge quramalar tómendegishe toptarǵa bólindi.
A toby: Horvatiia, Avstriia, Norvegiia, Finliandiia, Ázerbaijan, Estoniia.
B toby: Germaniia, Polsha, Izrail, Vengriia, Latviia, San-Marino.
C toby: Ispaniia, Resei, Slovakiia, Soltústik Irlandiia, Litva, Malta.
D toby: Portýgaliia, Grekiia, Islandiia, Belarýs, Kipr, Lihtenshtein.
E toby: Niderlandy, Shveitsariia, Bolgariia, Ýels, Moldova, Gibraltar.
F toby: Italiia, Shvetsiia, Irlandiia, Bosniia jáne Gertsegovina, Chernogoriia, Liýksembýrg.
G toby: Angliia, Chehiia, Sloveniia, Albaniia, Kosovo, Andorra.
H toby: Frantsiia, Serbiia, Ýkraina, Soltústik Makedoniia, Farer araldary, Armeniia.
Týrnirdiń irikteý satysyndaǵy toptyq kezeń 2021 jyldyń naýryzy men 2022 jyldyń maýsym aiyna deiin bolady. Finaldyq kezeń 2023 jyldyń maýsym-shilde ailarynda Rýmyniia men Grýziia elderinde ótedi. Onda barlyǵy 16 qurama synǵa túsedi.
