Fýtboldan Premer-liga komandalary arasyndaǵy el birinshiliginiń 24-týry máresine jetti, dep habarlaidy QazAqparat.
Búl kúni úsh kezdesý ótti. Chempiondyqqa talas júrgizip kele jatqan elordalyq «Astana» men qostanailyq «Tobyl» kezekti jeńisine qol jetkizdi.
«Astana» óz alańynda Qyzylordanyń «Qaisaryn» 2:0 esebimen tize búktirdi. Kezdesýde Tigran Barsegian – 74, Marin Tomasov 89-minýtta mergendik tanytty.
Dál osyndai eseppen «Tobyl» syrt alańda Petropavldyń «Qyzyljarynan» basym tústi. Oiyn barysynda olardyń qatarynan Igor Sergeev – 33, Jeremi Manzorro 77-minýtta kózdegen nysanadan múlt ketken joq.
Taǵy bir kezdesýde «Taraz» syrt alańda Taldyqorǵannyń «Jetisýyn» 2:1 esebimen jeńip ketti. Oiynda tarazdyq klýbtan Nenad Adamovich 67-minýtta gol soqsa, alań ieleri sapynan Dias Qalybaev 86-minýtta tarazy basyn teńestirdi. Al 92-minýtta Timýr Dosmaǵambetov «Tarazǵa» jeńis alyp keldi.
Eske salsaq, 16 qyrkúiekte «Qairat» syrt alańda «Aqtóbeni», Shymkenttiń «Ordabasy» komandasy óz alańynda «Atyraýdy» 2:1 esebimen jeńdi. Qaraǵandynyń «Shahteri» óz alańynda Aqtaýdyń «Kaspiiin» 1:0 esebimen súrindirse, Oralda «Aqjaiyq» pen Túrkistannyń «Turany» 1:1 esebine qanaǵat bildirdi.
Atalǵan týrdan keiin «Qairat» biylǵy birinshiliktiń qola júldesin mise tutty. Al «Qaisar» Premer-ligadaǵy ornyn saqtap qala alǵan joq. Qyzylordalyq klýbtyń qazir 16 upaiy bar. Olardyń aldyndaǵy 12-orynǵa jaiǵasqan «Turan» 25 upai enshilegen edi. Sondyqtan olardy «Turandy» qýyp jete almaidy. Budan buryn birinshi ligaǵa «Jetisý» da túsip qaldy.
Endi 25-týr oiyndary 23 jáne 24 qazan kúnderi ótedi.
