Fýtboldan 2026 jylǵy álem chempionaty resmi túrde bastaldy. Biylǵy mýndial tarihta alǵash ret birden úsh elde – AQSh, Meksika jáne Kanadada ótip jatyr, dep habarlaidy ult.kz.
Álemniń basty fýtbol dodasyna 48 ulttyq qurama qatysýda. Bul – álem chempionattary tarihyndaǵy eń aýqymdy týrnir. Jarys aiasynda 104 match ótkiziledi.
Týrnirdiń ashylý saltanaty Mehikodaǵy áigili Atsteka stadionynda ótti. Ashylý matchynda alań ieleri Meksika quramasy Ońtústik Afrika Respýblikasynyń komandasymen kezdesip, 2:0 esebimen jeńiske jetti.
39 kúnge sozylatyn álem chempionaty 19 shildede aiaqtalady. Finaldyq kezdesý AQSh-ta ótedi. Týrnir barysynda jankúierler álemniń úzdik fýtbolshylary men quramalarynyń tartysty básekesin tamashalaidy.
