Premer-ligada óner kórsetetin shymkenttik «Ordabasy» komandasyna bas bapker bolyp Aleksandr Sednev taǵaiyndaldy, dep habarlaidy "Ult aqparat".
«Ordabasy» fýtbol klýby málim etkendei, 47 jastaǵy belarýs mamany buǵan deiin «Belshina», «Dinamo» (Minsk), «Dnepr» (Mogilev) jáne qazaqstandyq «Aqtóbeni» jattyqtyrǵan.
Ótken maýsymda A.Sednev Belarýs joǵary ligasynda oinaityn Brestiń «Rýh» komandasyna bapkerlik etti.
2012 jyldan beri ÝEFA-nyń «Pro» dárejesine ie.
Sonymen qatar qazaqstandyq maman Andrei Ferapontov A.Sednevtiń bapkerlik quramyna kirdi. Ol 2017 jyly «Ordabasy» bas bapkeriniń kómekshisi bolǵan. 44 jastaǵy maman sondai-aq «Qairat», «Oqjetpes», «Aqtóbe» komandalarynda, Qazaqstan ulttyq jáne jastar quramalarynda jumys istedi. Ótken jyly «Rýhta» A.Sednevtiń kómekshisi boldy.
