Májilistiń jalpy otyrysynda depýtat Qazybek Isa elimizdiń fýtbol sportyndaǵy kemshilikterdi aitty, dep habarlaidy QazAqparat.
«Úsh kún buryn fýtboldan álem chempionatyna irikteýde Qazaqstan komandasynyń Frantsiiadan 8:0 bolyp, fýtbol tarihyndaǵy masqara eseppen jeńilýi eldiń qatty narazylyǵyn týdyrýda. Baspasózde aimaqtardaǵy fýtbol klýbtaryna 71 mlrd teńge jumsalǵany, tek «Astana» klýbynyń ózine 15 mlrd teńge bólingeni jarysa jazylýda. Biraq nátije qaida?! «Fýtbol federatsiiasynyń bas hatshysy biz biýdjetten qarajat almaimyz, 200 mln teńge ǵana aldyq» dep jaýap berdi. Al jeńilistiń sebebi jaqsy fýtbolshylardyń tapshylyǵy deidi. Federatsiia biýdjetten kóp qarjy almaimyz deidi, biraq milliardtardy osy federatsiiaǵa kiretin kásipqoi klýbtar oblys ákimdikteri arqyly alýda», - dep toqtaldy Q. Isa Úkimet basshysynyń orynbasary Eraly Toǵjanovtyń atyna joldaǵan saýalynda.
Depýtattyń aitýynsha, sońǵy úsh jyldaǵy oblystyq ákimdikterdiń kásibi klýbtarǵa bólgen qarjysynyń ózi az emes, 111,2 mlrd teńge. Al federatsiiaǵa respýblikalyq biýdjetten, ÝEFA-dan, «Samuryq-Qazynadan», demeýshiler bergen qarjyny qosqanda, onyń esebi joq. Óitkeni resmi málimet berilmegen. Jaqsy fýtbolshylardyń tapshy bolatyny - óz fýtbolshylarymyzdy daiyndaýdyń ornyna mol aqshany sheteldikterge jumsap júrgenniń nátijesi.
Osy oraida ol legionerlerge toqtala kele, halyq qazynasy qazaq fýtbolyn damytýǵa emes, shetel fýtbolshylaryn baiytýǵa jumsalyp jatqanyn atap ótti.
«Qazaqstan 30 jylda bir ǵana stadion salsa, bizden fýtbol biýdjeti eki ese az Ózbekstan 10 stadion salǵan. FIFA reitingisi boiynsha Qazaqstan 125-orynda, al TMD boiynsha fýtbol biýdjeti eń az Qyrǵyzstan 96-orynda. Braziliiaǵa «alaqailap» jibergen 78 balaqaidyń bir de bireýi qazir fýtbol oinamaidy. Esepsiz milliardtardy dalaǵa shashamyz, biraq gol joq. Al aýyldarda qarjy tapshylyǵynan jol joq», - dedi Qazybek Isa.
Osy oraida nátije kórsetpei kelgen fýtbolshylarǵa milliardtardy bosqa shashýdy toqtatý kerek ekeni aityldy.
Onyń sózine qaraǵanda, kásibi sport, iaǵni fýtbol biznes bolyp otyr.
«Al álemde kásibi sport memlekettiń moinyna minip almaidy. Sondyqtan fýtbol klýbtarynyń barlyǵyn jekeshelendirip, memleketten qarjylandyrýdy toqtatý qajet. Ekinshiden, memleket qarjysy balalar men jasóspirimder mektepterine, fýtbol mektepterin damytýǵa, balalar bapkerlerin daiyndaýǵa jumsalýy kerek. Aýyldaǵy talantty balalarǵa jaǵdai jasaý qajet. Aýdandarda, qala mańynda tegin fýtbol alańdaryn salý kerek. Sektsiialardaǵy jattyqtyrýshylardyń jalaqysyn pedagogtarmen teń etken jón. Osy ýaqytqa deiin memleketten fýtbol salasyna bólingen qarjynyń esebi berilýi tiis, óitkeni ol – halyqtyń qarjysy», - dedi depýtat.
