Fýtboldan Qazaqstan ulttyq quramasynyń shabýylshysy Roman Murtazaev «Astanadan» ketti, dep habarlaidy "Ult aqparat".
«Astana» fýtbol klýby málim etkendei, oiynshymen kelisimshart merzimi bitti.
Komandaǵa 2017 jyldyń basynda kelgen Roman «Astana» quramynda úsh jylyn ótkizdi. Osy merzimde ol «Astanamen» birge úsh márte Qazaqstan chempiondyǵy men sýperkýbokty utyp aldy. Sondai-aq Eýropa ligasynyń toptyq kezeńinde óner kórsetti.
«Astana» fýtbol klýby Roman Mýrtazaevqa komanda jeńisine qosqan úlesi úshin alǵysyn aityp, sporttyq jolyn tabyspen jalǵastyrýyna tilektestigin bildirdi.
Qazirgi kezde jańa maýsym aldynda barlyq komandalarda aýys-túiister bolyp jatyr.
Al premer-ligada óner kórsetetin Kókshetaýdyń «Oqjetpesi» bas bapker Andrei Karpovichke taǵy da senim artyp, eńbek shartyn jalǵastyratynyn jariia etti.
Eske sala keteiik, budan buryn Qazaqstan quramasynyń Armeniiamen joldastyq kezdesý ótkizetinin jazǵan bolatynbyz.
