فۋتبولدان قازاقستان ۇلتتىق قۇراماسىنىڭ شابۋىلشىسى رومان مۇرتازاەۆ «استانادان» كەتتٸ, دەپ حابارلايدى "ۇلت اقپارات".
«استانا» فۋتبول كلۋبى مەلٸم ەتكەندەي, ويىنشىمەن كەلٸسٸمشارت مەرزٸمٸ بٸتتٸ.
كومانداعا 2017 جىلدىڭ باسىندا كەلگەن رومان «استانا» قۇرامىندا ٷش جىلىن ٶتكٸزدٸ. وسى مەرزٸمدە ول «استانامەن» بٸرگە ٷش مەرتە قازاقستان چەمپيوندىعى مەن سۋپەركۋبوكتى ۇتىپ الدى. سونداي-اق ەۋروپا ليگاسىنىڭ توپتىق كەزەڭٸندە ٶنەر كٶرسەتتٸ.
«استانا» فۋتبول كلۋبى رومان مۋرتازاەۆقا كوماندا جەڭٸسٸنە قوسقان ٷلەسٸ ٷشٸن العىسىن ايتىپ, سپورتتىق جولىن تابىسپەن جالعاستىرۋىنا تٸلەكتەستٸگٸن بٸلدٸردٸ.
قازٸرگٸ كەزدە جاڭا ماۋسىم الدىندا بارلىق كوماندالاردا اۋىس-تٷيٸستەر بولىپ جاتىر.
ال پرەمەر-ليگادا ٶنەر كٶرسەتەتٸن كٶكشەتاۋدىڭ «وقجەتپەسٸ» باس باپكەر اندرەي كارپوۆيچكە تاعى دا سەنٸم ارتىپ, ەڭبەك شارتىن جالعاستىراتىنىن جارييا ەتتٸ.
ەسكە سالا كەتەيٸك, بۇدان بۇرىن قازاقستان قۇراماسىنىڭ ارمەنييامەن جولداستىق كەزدەسۋ ٶتكٸزەتٸنٸن جازعان بولاتىنبىز.
