Búgin, 4 maýsymda fýtboldan Qazaqstan quramasy Soltústik Makedoniiamen joldastyq kezdesý ótkizdi, dep habarlaidy "Ult aqparat".
Aita keteiik, qazaqstandyq quramaǵa Soltústik Makedoniia Eýropada kezdesip otyrǵan 39-shy qarsylasy atanbaq. Eki qurama buǵan deiin kezdespegen.
Ázirge qazaqstandyqtar olardan ózge Bosniia men Gertsegovina, Gibraltar, Izrail, Ispaniia, Italiia, Kosovo, Lihtenshtein, Liýksembýrg, Norvegiia, Soltústik Irlandiia, Slovakiia, Sloveniia, Ýels jáne Shveitsariia quramalarymen kúsh synasqan joq.
Búgingi kezdesýdiń alǵashqy kezeńinde alań ieleri tizgindi óz qolyna alýǵa tyrysqan edi. Dese de oǵan qazaqstandyq fýtbolshylar laiyqty qarsylyq kórsetti.
Esepti 35-minýtta Egziian Alioski ashty. Odan keiin 45-minýtta qazaqstandyq Serikjan Mýjikov qyzyl qaǵaz alyp, alańnan qýyldy. Osylaisha eki kezeńniń óne boiynda qazaqstandyq qurama on fýtbolshymen oiyn kórsetýge májbúr boldy.
Ekinshi kezeńde Ivan Trichovski 57, Milan Ritsovski 74, Darko Chýrlinov 76-minýttarda mergendik tanytty.
Eske salsaq, Soltústik Makedoniia 2020 jylǵy Eýropa chempionaty finaldyq satysynda S tobynda oiyn kórsetedi. Qarsylastary - Ýkraina, Avstriia jáne Niderlandy quramalary. Toptyq kezeń oiyndary 13, 17, 21 maýsym kúnderi bolady.
