Fýtboldan «Qaisar» komandasynyń quramy 80 paiyzǵa jańaratyn boldy, dep habarlaidy "Ult aqparat".
Búginde fýtbol klýby Túrkiia jerinde oqý-jattyǵý jiynyn ótkizýde. Onda 3 naýryzǵa deiin daiyndyǵyn júrgizedi.
«Komandaǵa jergilikti maman Sultan Ábildaev bas bapker bolyp taǵaiyndaldy. Oǵan Erlan Shoitymov pen Qanat Sherimbetov kómektesedi. Ótken maýsymda óner kórsetken oiynshylardyń 80 paiyzy komandadan ketti. Túrkiiada legionerlerdi synaqtan ótkizemiz. Negizgi basymdyqty jergilikti oiynshylarǵa beremiz. Negizgi maqsat – aldaǵy bes jyldyqta tanymal oiynshylar shyǵarý», - dedi «Qaisar» FK direktory Serik Dosmanbetov.
Komanda oblysta ótken jyldyń sońy men biylǵy jyldyń basynda eki márte jattyǵý jiynyn ótkizdi. Jergilikti fýtbolshylardyń sheberligin baiqap kórdi. Kózge túsken 12 aiaqdopshyny bas bapker Antaliiadaǵy jiynǵa shaqyrǵan. Olardyń qatarynda qaqpashy Nurymjan Salaidyn, qorǵaýshylar - Eljas Sarbai, Oljas Altaev, Abylaihan Tólegenov, Daniiar Álimjan, jartylai qorǵaýshylar - Bekzat Qurmanbekuly, Aian Qulmaǵanbetov, Dýman Nárzildaev, shabýylshylar - Shoqan Abzalov, Órken Mahan bar.
Búgingi kúnge deiin «Qaisar» Túrkiiada eki joldastyq kezdesý ótkizip úlgerdi. Aldymen Makedoniianyń «Shkendiia» klýbymen 1:1 esebimen teń túsip, odan keiin Ýkrainanyń «Desnasyn» 1:0 esebimen tize búktirdi. Komanda quramynda qaqpashy Artem Leonov, qorǵaýshy Egor Potapov, Výk Mitoshevich, Linas Kliýmavichýs, jartylai qorǵaýshy Nikita Bocharov, shabýylshy Stefan Denkovich, Karolis Laýkjiamis syndy sheteldik oiynshylar keldi. Sondai-aq, qazaqstandyq qorǵaýshy Ular Jaqsybaev, jartylai qorǵaýshy Marat Shahmetov, Arman Keńesov sekildi fýtbolshylar synaqtan ótýde.
