Búgin fýtboldan Premer-liga komandalary arasynda Qazaqstan chempionatynyń 15-týrynda úsh oiyn ótti, dep habarlaidy "Ult aqparat".
Basty kezdesýdiń biri Qostanaidyń «Tobyl» jáne Almatynyń komandalary arasynda ótti. Ekeýi týrnir kestesinde kósh basynda keledi. Sondyqtan búgingi kezdesý tartysty ótetini belgili edi.
Oiyn barysynda «Qairattyń» basymdyǵy aiqyn ańǵarylyp turdy. Olardyń qatarynan Abat Aiymbetov 8, Ǵafýrjan Súiimbaev 28, Neboisha Kosovich 44-minýtta mergendik kórsetti. Qorytyndy esepti 67-minýtta almatylyq shabýylshy Vagner Lav belgiledi. Osylaisha «Qairat» qarsylasynan 4:0 esebimen basym tústi.
Búgin Taldyqorǵannyń «Jetisýy» Qyzylordanyń «Qaisaryn» 3:1, Shymkenttiń «Ordabasy» klýby Aqtaýdyń «Qaspiiin» 2:1 esebimen tize búktirdi.
Qazir týrnir kestesinde 15 oiynnan keiin 38 upaimen «Qairat» keledi. Ol bas júldege negizgi úmitker - elordalyq «Astanadan» 14 upaiǵa uzap ketti. Dál qazir «Astana» Kókshetaýdyń «Oqjetpes» klýbyn 2:0 esebimen jeńip jatyr. Elordalyq klýb sapynan Tigran Barsegian 11, Marin Tomasov 29-minýttarda kózge tústi.
Atalǵan týrda sońǵy oiyn 27 qazanda Petropavldyń «Qyzyljar» jáne Qaraǵandynyń «Shahter» komandalary arasynda ótedi.
