بٷگٸن فۋتبولدان پرەمەر-ليگا كوماندالارى اراسىندا قازاقستان چەمپيوناتىنىڭ 15-تۋرىندا ٷش ويىن ٶتتٸ, دەپ حابارلايدى "ۇلت اقپارات".
باستى كەزدەسۋدٸڭ بٸرٸ قوستانايدىڭ «توبىل» جەنە الماتىنىڭ كوماندالارى اراسىندا ٶتتٸ. ەكەۋٸ تۋرنير كەستەسٸندە كٶش باسىندا كەلەدٸ. سوندىقتان بٷگٸنگٸ كەزدەسۋ تارتىستى ٶتەتٸنٸ بەلگٸلٸ ەدٸ.
ويىن بارىسىندا «قايراتتىڭ» باسىمدىعى ايقىن اڭعارىلىپ تۇردى. ولاردىڭ قاتارىنان ابات ايىمبەتوۆ 8, عافۋرجان سٷيٸمباەۆ 28, نەبويشا كوسوۆيچ 44-مينۋتتا مەرگەندٸك كٶرسەتتٸ. قورىتىندى ەسەپتٸ 67-مينۋتتا الماتىلىق شابۋىلشى ۆاگنەر لاۆ بەلگٸلەدٸ. وسىلايشا «قايرات» قارسىلاسىنان 4:0 ەسەبٸمەن باسىم تٷستٸ.
بٷگٸن تالدىقورعاننىڭ «جەتٸسۋى» قىزىلوردانىڭ «قايسارىن» 3:1, شىمكەنتتٸڭ «ورداباسى» كلۋبى اقتاۋدىڭ «قاسپييٸن» 2:1 ەسەبٸمەن تٸزە بٷكتٸردٸ.
قازٸر تۋرنير كەستەسٸندە 15 ويىننان كەيٸن 38 ۇپايمەن «قايرات» كەلەدٸ. ول باس جٷلدەگە نەگٸزگٸ ٷمٸتكەر - ەلوردالىق «استانادان» 14 ۇپايعا ۇزاپ كەتتٸ. دەل قازٸر «استانا» كٶكشەتاۋدىڭ «وقجەتپەس» كلۋبىن 2:0 ەسەبٸمەن جەڭٸپ جاتىر. ەلوردالىق كلۋب ساپىنان تيگران بارسەگيان 11, مارين توماسوۆ 29-مينۋتتاردا كٶزگە تٷستٸ.
اتالعان تۋردا سوڭعى ويىن 27 قازاندا پەتروپاۆلدىڭ «قىزىلجار» جەنە قاراعاندىنىڭ «شاحتەر» كوماندالارى اراسىندا ٶتەدٸ.
