Fýtboldan Frantsiia quramasy UEFA Ulttar ligasynyń jeńimpazy atandy, dep habarlaidy QazAqparat.
Finalda Ispaniia jáne Frantsiia quramalary kezdesti. Ekeýi de jeńiske jetý jolyn izdedi. Degenmen birinshi kezeńde qaqpa qulpy ashyla qoiǵan joq.
Ekinshi kezeńde quramalar shabýyl shebin kúsheite tústi. Nátijesinde ispaniialyq Mikel Oiarsabal 64-minýtta esep ashqan edi.
Odan keiin Frantsiia quramasy sapynan 66-minýtta Karim Benzema tarazy basyn teńestirdi.
Al 80-minýtta Kilian Mbappe Frantsiia quramasyn alǵa shyǵardy.
Eske salsaq, jartylai finalda Frantsiia Ispaniiany 3:2, Ispaniia Italiiany 2:1 esebimen súrindirgen edi.
Aita ketsek, búgin 3-oryn úshin saiysta Italiia Belgiiadan 2:1 esebimen basym túsip, týrnirdiń qola júldegeri atandy.
2020/21 jylǵy kezeńde Qazaqstan quramasy A tobynda Albaniia, Belarýs jáne Litva quramalarymen oinap, tórtinshi oryndy mise tutty.
Endi qazaqstandyq fýtbolshylar 2022 jyldyń 24 jáne 28 naýryz kúnderi ótpeli kezeń oiyndaryn ótkizedi. Jeńgen qurama S ligasynda qalady.
Ulttar Ligasy oiyndary 2018 jyldan bastap ótkiziledi. Alǵash ret Portýgaliia quramasy chempion ataǵyn jeńip aldy.
2019 jyly bolǵan jarystyń finaldyq satysynda Portýgaliia, Nilerlandy, Angliia men Shveitsariia quramalary básekege tústi.
Bul joly Qazaqstan quramasy D ligasynda birinshi topta Grýziia, Latviia jáne Andorramen synǵa túsip, ekinshi oryn aldy.
