Ótken jyly premer-ligaǵa qaita oralǵan «Aqtóbe» klýbyna jańadan úsh oiynshy alyndy, dep habarlaidy "Ult aqparat".
«Aqtóbe» fýtbol klýbynan málim etkendei, Iýrii Pertsýh, Erkebulan Nurǵaliev jáne Didar Jalmuqanmen kelisimshartqa qol qoiylǵan.
Qazaqstan ulttyq quramasynyń jartylai qorǵaýshysy Iýrii Pertsýh – almatylyq TsSKA komandasynyń túlegi. «Báiterek», «Qyzyljar» jáne «Aqjaiyq» komandalarynda dop tepkennen keiin el chempiony «Astanaǵa» alyndy. Elordalyq klýb sapynda 44 oiyn ótkizip, úsh goldyń avtory atandy. 2018 jyldan beri ulttyq quramaǵa shaqyrylyp keledi.
Semeide týyp-ósken taǵy bir jartylai qorǵaýshy Erkebulan Nurǵaliev «Ertis», «Oqjetpes», «Aqjaiyq», «Shahter» jáne basqa komandalarda oinady. Sońǵy klýby – aqtaýlyq «Kaspii».
Shabýylshy Didar Jalmuqan óziniń týǵan komandasyna qaityp oraldy. Ol 2015 jyly «Aqtóbeniń» negizgi quramyna shaqyrtylyp, eki maýsymda 57 matchta 10 gol soqty. 2017 jyly 20 jastaǵy D.Jalmuqan «Astanaǵa» shaqyrtý alǵanymen, bir jyldan soń «Aqtóbege», keiin «Atyraýǵa» jalǵa berildi. Sońǵy maýsymdy «Astana» quramynda ótkizdi.
Qazirgi kezde «Aqtóbe» basqa klýbtar siiaqty Túrkiiada oqý-jattyǵý jiynyn ótkizýde.
