ٶتكەن جىلى پرەمەر-ليگاعا قايتا ورالعان «اقتٶبە» كلۋبىنا جاڭادان ٷش ويىنشى الىندى, دەپ حابارلايدى "ۇلت اقپارات".
«اقتٶبە» فۋتبول كلۋبىنان مەلٸم ەتكەندەي, يۋريي پەرتسۋح, ەركەبۇلان نۇرعاليەۆ جەنە ديدار جالمۇقانمەن كەلٸسٸمشارتقا قول قويىلعان.
قازاقستان ۇلتتىق قۇراماسىنىڭ جارتىلاي قورعاۋشىسى يۋريي پەرتسۋح – الماتىلىق تسسكا كومانداسىنىڭ تٷلەگٸ. «بەيتەرەك», «قىزىلجار» جەنە «اقجايىق» كوماندالارىندا دوپ تەپكەننەن كەيٸن ەل چەمپيونى «استاناعا» الىندى. ەلوردالىق كلۋب ساپىندا 44 ويىن ٶتكٸزٸپ, ٷش گولدىڭ اۆتورى اتاندى. 2018 جىلدان بەرٸ ۇلتتىق قۇراماعا شاقىرىلىپ كەلەدٸ.
سەمەيدە تۋىپ-ٶسكەن تاعى بٸر جارتىلاي قورعاۋشى ەركەبۇلان نۇرعاليەۆ «ەرتٸس», «وقجەتپەس», «اقجايىق», «شاحتەر» جەنە باسقا كوماندالاردا وينادى. سوڭعى كلۋبى – اقتاۋلىق «كاسپيي».
شابۋىلشى ديدار جالمۇقان ٶزٸنٸڭ تۋعان كومانداسىنا قايتىپ ورالدى. ول 2015 جىلى «اقتٶبەنٸڭ» نەگٸزگٸ قۇرامىنا شاقىرتىلىپ, ەكٸ ماۋسىمدا 57 ماتچتا 10 گول سوقتى. 2017 جىلى 20 جاستاعى د.جالمۇقان «استاناعا» شاقىرتۋ العانىمەن, بٸر جىلدان سوڭ «اقتٶبەگە», كەيٸن «اتىراۋعا» جالعا بەرٸلدٸ. سوڭعى ماۋسىمدى «استانا» قۇرامىندا ٶتكٸزدٸ.
قازٸرگٸ كەزدە «اقتٶبە» باسقا كلۋبتار سيياقتى تٷركييادا وقۋ-جاتتىعۋ جيىنىن ٶتكٸزۋدە.
