Jemqorlyq jáne tergeýge zańsyz qysym kórsetti dep aiyptalǵan Frantsiianyń eks-prezidenti Nikolia Sarkozige qatysty Parijde tergeý bastaldy, dep habarlaidy Deutsche Welle.
2007-2012 jyldary eldi basqarǵan 65 jastaǵy Sarkozi 10 jylǵa bas bostandyǵynan aiyrylyp, 1 mln eýro kóleminde aiyppul tóleýi múmkin.
Istiń materialdary boiynsha, Nikolia Sarkozi 2014 jyly advokaty arqyly eks-prezidentke qatysty bastalǵan kassatsiialyq sotta tergeý málimetterin alý úshin prokýror Jilber Aziberdi satyp almaq boldy dep aiyptalyp otyr.
Boljam boiynsha, 2007 jyly Sarkozidiń sailaýaldy kampaniiasyn L'Oreal kompaniiasynyń murageri, milliarder Lilian Bettankýr zańsyz qarjylandyrǵan.
2013 jyly Sarkozi bul kúdik boiynsha aqtalyp shyqty. Biraq Ádilet ministrligi onyń qorǵaýshysymen sóilesken áńgimesin jazyp, sol kelissózder eks-prezidentke qarsy basqa istiń ashylýyna sebep boldy. Sarkozi taǵylǵan kináni joqqa shyǵaryp otyr.
Bul oqiǵa – soǵystan keiingi Frantsiia tarihynda burynǵy memleket basshysynyń sot aldynda alǵash ret jaýap berýi. 2011 jyly Frantsiianyń eks-prezidenti Jak Shirak ókilettiligin asyra paidalandy jáne qoǵamdyq qorlardaǵy aqshany tiimsiz jaratty degen aiyppen shartty túrde eki jylǵa bas bostandyǵynan aiyrylǵan bolatyn. Biraq ol densaýlyǵyna bailanysty birde-bir sot otyrysyna qatysqan joq. 2019 jyly Shirak 86 jasynda qaitys boldy.
