جەمقورلىق جەنە تەرگەۋگە زاڭسىز قىسىم كٶرسەتتٸ دەپ ايىپتالعان فرانتسييانىڭ ەكس-پرەزيدەنتٸ نيكوليا ساركوزيگە قاتىستى پاريجدە تەرگەۋ باستالدى, دەپ حابارلايدى Deutsche Welle.
2007-2012 جىلدارى ەلدٸ باسقارعان 65 جاستاعى ساركوزي 10 جىلعا باس بوستاندىعىنان ايىرىلىپ, 1 ملن ەۋرو كٶلەمٸندە ايىپپۇل تٶلەۋٸ مٷمكٸن.
ٸستٸڭ ماتەريالدارى بويىنشا, نيكوليا ساركوزي 2014 جىلى ادۆوكاتى ارقىلى ەكس-پرەزيدەنتكە قاتىستى باستالعان كاسساتسييالىق سوتتا تەرگەۋ مەلٸمەتتەرٸن الۋ ٷشٸن پروكۋرور جيلبەر ازيبەردٸ ساتىپ الماق بولدى دەپ ايىپتالىپ وتىر.
بولجام بويىنشا, 2007 جىلى ساركوزيدٸڭ سايلاۋالدى كامپانيياسىن L'Oreal كومپانيياسىنىڭ مۇراگەرٸ, ميللياردەر ليليان بەتتانكۋر زاڭسىز قارجىلاندىرعان.
2013 جىلى ساركوزي بۇل كٷدٸك بويىنشا اقتالىپ شىقتى. بٸراق ەدٸلەت مينيسترلٸگٸ ونىڭ قورعاۋشىسىمەن سٶيلەسكەن ەڭگٸمەسٸن جازىپ, سول كەلٸسسٶزدەر ەكس-پرەزيدەنتكە قارسى باسقا ٸستٸڭ اشىلۋىنا سەبەپ بولدى. ساركوزي تاعىلعان كٸنەنٸ جوققا شىعارىپ وتىر.
بۇل وقيعا – سوعىستان كەيٸنگٸ فرانتسييا تاريحىندا بۇرىنعى مەملەكەت باسشىسىنىڭ سوت الدىندا العاش رەت جاۋاپ بەرۋٸ. 2011 جىلى فرانتسييانىڭ ەكس-پرەزيدەنتٸ جاك شيراك ٶكٸلەتتٸلٸگٸن اسىرا پايدالاندى جەنە قوعامدىق قورلارداعى اقشانى تيٸمسٸز جاراتتى دەگەن ايىپپەن شارتتى تٷردە ەكٸ جىلعا باس بوستاندىعىنان ايىرىلعان بولاتىن. بٸراق ول دەنساۋلىعىنا بايلانىستى بٸردە-بٸر سوت وتىرىسىنا قاتىسقان جوق. 2019 جىلى شيراك 86 جاسىندا قايتىس بولدى.
