Frantsiialyq Le Monde basylymy qazaqstandyq ánshi Dimash Qudaibergen jaily maqala jariialady, - dep habarlaidy kaz.tengrinews.kz tilshisi.
"Qytailyq telejoba qazaqtyń shoýyna ainaldy" degen taqyryppen jariialanǵan maqalada Dimash Qudaibergenniń frantsýzdyń SOS d'un terrien en detresse ánin oryndap, sensatsiia jasaǵany aitylady.
"Dimash Qudaibergen qytailyq Hunan TV arnasynda shyǵatyn Geshou 2017 jobasynda (burynǵy I'm a Singer) qyz-qyrkynnyń júregin jaýlap aldy. 1994 jyly týǵan qazaq - Dimash Qudaibergen frantsýzsha Sos d'un terrien detresse ("Men nege kúlemin, men nege jylaimyn") ánin oryndaý barysynda sózderdi durys ám taza aitpaǵanymen, kórermenniń peiili keremet boldy. 21 qańtarda kórsetken ónerinen keiin áleýmettik jeliniń triýmfyna shyqty" delingen maqalada.
Sondai-aq, "osy ýaqytqa deiin óz elinde ǵana belgili bolǵan, al endi qytai juldyzdary ishinde tanymal" Dimash Qudaibergen jaiynda Lam Yiceng degen 25 jastaǵy jankúieriniń sózi keltiriledi. "Kóptegen qytailyq Qazaqstannyń kaida ekenin bilmegen bolsa, budan soń qazaq degenniń kim ekenin biletin boldy", - deidi jankúier.
Maqalanyń "Xiexie - barlyq máseleni sheshpeidi" atty bóliminde avtor endigi kezeńderde Dimash Qudaibergenniń Qytai hit ánderiniń oryndaýshylarymen men jarysqa túsetinin jazady. "18 aqpanda Brýno Mars pen Mark Ronsonnyń Uptown Funk ánin oryndaǵan Dimash Qudaibergen 22 sáýirde bolatyn finalda jeńiske kol jetkize me? Ol qytai tilinde birde-bir sóz bilmeidi, tek án oryndap bitken soń "xiexie" ("raqmet") dep qaitalaidy. Endi óte úlken belesten ótýi tiis, iaǵni ánderi únemi jergilikti karaokede jarysa aitylatyn qytailyq juldyzdarmen jarysqa túsedi. Eń alǵash qytai tilinde án aitqanda fonetikadan qinalǵanyn baiqaimyz, kórermenniń kózaiymyna ainalý úshin osy tilde án aitýǵa mindetti edi. Degenmen bar máseleni sheshetin - til emes", - dep jazǵan maqala avtory.
Osydan keiin qazaqstandyq ánshiniń ónerine bas igen taǵy bir qytai jankúieri - shanhailyq jas Shen Lingtiń sózi keltiriledi: "Onyń daýsyna tańǵalǵanym sonsha, qazir sonymen birge ýaiymdaityn boldym".
Avtordyń aitýynsha, onyń Qazaqstan halqynyń sanynan (18 million) artyq qytailyqtardyń qoldaýyna ie bolatyny anyq. "Karerasyn jasap, bolashaqta qaltasyn qalyńdatýǵa osy da jetkilikti", - dep qorytady oiyn avtor.
Al osy maqalaǵa qatysty pikirinde ánshiniń PR-direktory ári dosy Alpamys Sharimov Frantsiiadan kóptegen usynystyń túsip jatqanyn habarlady. "Rasynda da, Frantsiiadan kóp usynystar kelip jatyr. Frantsýzdardyń qyzyǵýshylyǵy óte joǵary. Eýropadan keletin xattardyń kóbi osy elden. Jaqyn arada Frantsiiaǵa baryp qalýymyz múmkin. Bul ázirshe qupiia!", - dedi Sharimov.
Aita keteiik, Le Monde - kún saiyn 364 240 danamen shyǵatyn jýrnal. Basylymnyń shtab-páteri Parijdiń 13-shi okrýginde ornalasqan. Le Monde gazetiniń negizin Iýber Biovom-Merí Sharl de Golldiń tapsyrysymen 1944 jyly qurǵan. Gazettiń birinshi sany 1944 jyldyń 19 jeltoqsanynda shyqqan. Al 1995 jyldyń 19 jeltoqsanyna bastap basylymdy onlainda oqýǵa bolady.
Eske salaiyq, aldaǵy senbide, iaǵni 11 naýryzda Hunan TV arnasynda Dimash Qudaibergen I'm a Singer baiqaýynyń segizinshi kezeńinde óner kórsetedi.
