Frantsiiada óńirlik bilik kóshede maskany mindetti túrde taǵýdy óz betinshe engizý quqyǵyn aldy. Mundai málimdemeni el úkimeti jasady, dep habarlaidy Euronews agenttigi.
20 shildeden bastap elde ústi jabyq qoǵamdyq orynda maska taǵý mindettelgen bolatyn.
Parijde shilde aiynyń ortasynan bastap indettiń ekinshi tolqyny júrýi múmkin ekeni aitylǵan edi, biraq olar bul jaǵdaiǵa daiynbyz dep sendirip otyr.
«40-45 jasqa deiingi adamdar arasynda indetke shaldyǵýshylar sany ortasha kórsetkishten asyp tústi. Egde jastaǵy adamdarǵa áser etip, aýyr zardaptarǵa ákelgen indet qazir jastar arasynda tez taralýda. Jastardyń qashyqtyqty saqtamaýynan osyndai jaǵdai bolyp otyr», deidi Ot-de-Frans aimaǵynyń densaýlyq saqtaý deprtamentiniń direktory Eten Shampon.
Madridte de kóshede maska taǵý mindetteldi. Oǵan qarsylyq tanytqan jaǵdaida 100 eýro aiyppul salynady. Ispaniiada birneshe kún qatarynan táýligine koronavirýs juqtyrǵan myńnan astam jańa jaǵdai tirkelýde.
Aýrý juqtyrǵandar sany kúrt ósýine bailanysty birqatar Eýropa elderi óz azamattaryna Ispaniiada demalýdan bas tartý jóninde keńes beredi. Degenmen el biligi jaǵdaidy baqylaýda ustap otyr. Ásirese kýrorttyq aimaqtarda birqatar talaptar engizilgen.
Sonymen, Germaniia SIM juma kúni nemis týristeri arasynda keńinen tanymal aýdandar Kataloniia, Aragon jáne Navarraǵa sapar shegý qaýipti ekenin aityp, eskertý jasady.
