فرانتسييادا ٶڭٸرلٸك بيلٸك كٶشەدە ماسكانى مٸندەتتٸ تٷردە تاعۋدى ٶز بەتٸنشە ەنگٸزۋ قۇقىعىن الدى. مۇنداي مەلٸمدەمەنٸ ەل ٷكٸمەتٸ جاسادى, دەپ حابارلايدى Euronews اگەنتتٸگٸ.
20 شٸلدەدەن باستاپ ەلدە ٷستٸ جابىق قوعامدىق ورىندا ماسكا تاعۋ مٸندەتتەلگەن بولاتىن.
پاريجدە شٸلدە ايىنىڭ ورتاسىنان باستاپ ٸندەتتٸڭ ەكٸنشٸ تولقىنى جٷرۋٸ مٷمكٸن ەكەنٸ ايتىلعان ەدٸ, بٸراق ولار بۇل جاعدايعا دايىنبىز دەپ سەندٸرٸپ وتىر.
«40-45 جاسقا دەيٸنگٸ ادامدار اراسىندا ٸندەتكە شالدىعۋشىلار سانى ورتاشا كٶرسەتكٸشتەن اسىپ تٷستٸ. ەگدە جاستاعى ادامدارعا ەسەر ەتٸپ, اۋىر زارداپتارعا ەكەلگەن ٸندەت قازٸر جاستار اراسىندا تەز تارالۋدا. جاستاردىڭ قاشىقتىقتى ساقتاماۋىنان وسىنداي جاعداي بولىپ وتىر», دەيدٸ وت-دە-فرانس ايماعىنىڭ دەنساۋلىق ساقتاۋ دەپرتامەنتٸنٸڭ ديرەكتورى ەتەن شامپون.
مادريدتە دە كٶشەدە ماسكا تاعۋ مٸندەتتەلدٸ. وعان قارسىلىق تانىتقان جاعدايدا 100 ەۋرو ايىپپۇل سالىنادى. يسپانييادا بٸرنەشە كٷن قاتارىنان تەۋلٸگٸنە كوروناۆيرۋس جۇقتىرعان مىڭنان استام جاڭا جاعداي تٸركەلۋدە.
اۋرۋ جۇقتىرعاندار سانى كٷرت ٶسۋٸنە بايلانىستى بٸرقاتار ەۋروپا ەلدەرٸ ٶز ازاماتتارىنا يسپانييادا دەمالۋدان باس تارتۋ جٶنٸندە كەڭەس بەرەدٸ. دەگەنمەن ەل بيلٸگٸ جاعدايدى باقىلاۋدا ۇستاپ وتىر. ەسٸرەسە كۋرورتتىق ايماقتاردا بٸرقاتار تالاپتار ەنگٸزٸلگەن.
سونىمەن, گەرمانييا سٸم جۇما كٷنٸ نەمٸس تۋريستەرٸ اراسىندا كەڭٸنەن تانىمال اۋداندار كاتالونييا, اراگون جەنە ناۆارراعا ساپار شەگۋ قاۋٸپتٸ ەكەنٸن ايتىپ, ەسكەرتۋ جاسادى.
