Frantsiiada Resei Federatsiia keńesiniń Daǵystannan sailanǵan depýtaty Sýleiman Kerimov ustaldy, dep habarlaidy osy eldegi Resei elshiliginiń ókiline silteme jasaǵan TASS agenttigi. Depýtat 20 qarasha kúni keshke Nitstsa qalasynyń áýejaiynda ustalǵan.
Resei prokýratýrasynyń ókili Reuters agenttigine Kerimov "salyq tólemedi" degen kúdikke ilingenin aitqan.
Biyl aqpanda politsiia Frantsiianyń ońtústigindegi aýmaǵy 12 myń sharshy metr bolatyn Hier villasyn tintken. Jergilikti Nice-Martin basylymy Hier men taǵy birneshe qymbat nysannyń Kerimovke qatysy baryn jazdy.
Qujat boiynsha, bul villanyń iesi shveitsar qarjygeri Aleksandr Shtýdhalter sanalady, biraq politsiia qarjyger bul jyljymaityn múliktiń shyn iesin "jasyryp otyr" dep kúdiktenedi.
Sýleiman Kerimov Federatsiia keńesiniń 2008 jyldan beri depýtaty. 2016 jyly ol "Reseidegi eń bai 200 biznesmen" reitingisinde 1,6 milliard dollar bailyqpen 45-oryndy ielengen.
