فرانتسييادا رەسەي فەدەراتسييا كەڭەسٸنٸڭ داعىستاننان سايلانعان دەپۋتاتى سۋلەيمان كەريموۆ ۇستالدى, دەپ حابارلايدى وسى ەلدەگٸ رەسەي ەلشٸلٸگٸنٸڭ ٶكٸلٸنە سٸلتەمە جاساعان تاسس اگەنتتٸگٸ. دەپۋتات 20 قاراشا كٷنٸ كەشكە نيتستسا قالاسىنىڭ ەۋەجايىندا ۇستالعان.
رەسەي پروكۋراتۋراسىنىڭ ٶكٸلٸ Reuters اگەنتتٸگٸنە كەريموۆ "سالىق تٶلەمەدٸ" دەگەن كٷدٸككە ٸلٸنگەنٸن ايتقان.
بيىل اقپاندا پوليتسييا فرانتسييانىڭ وڭتٷستٸگٸندەگٸ اۋماعى 12 مىڭ شارشى مەتر بولاتىن Hier ۆيللاسىن تٸنتكەن. جەرگٸلٸكتٸ Nice-Martin باسىلىمى Hier مەن تاعى بٸرنەشە قىمبات نىساننىڭ كەريموۆكە قاتىسى بارىن جازدى.
قۇجات بويىنشا, بۇل ۆيللانىڭ يەسٸ شۆەيتسار قارجىگەرٸ الەكساندر شتۋدحالتەر سانالادى, بٸراق پوليتسييا قارجىگەر بۇل جىلجىمايتىن مٷلٸكتٸڭ شىن يەسٸن "جاسىرىپ وتىر" دەپ كٷدٸكتەنەدٸ.
سۋلەيمان كەريموۆ فەدەراتسييا كەڭەسٸنٸڭ 2008 جىلدان بەرٸ دەپۋتاتى. 2016 جىلى ول "رەسەيدەگٸ ەڭ باي 200 بيزنەسمەن" رەيتينگٸسٸندە 1,6 ميلليارد دوللار بايلىقپەن 45-ورىندى يەلەنگەن.
