Frantsiia imperatory Napoleon I Bonaparttyń taǵy frantsýz monarhtarynyń Fontenblo tarihi rezidentsiiasyndaǵy aýktsionda 500 myń eýroǵa satyldy. Bul týraly saýdany ótkizgen Osenat aýktsion úii Twitter paraqshasynda málim etti, dep habarlaidy QazAqparat.
Taqty satyp alǵan adamnyń aty-jóni jariia etilgen joq.
Aǵashtan jasalyp, syrtyn altynmen japqan taq o basta nebári 80 myń eýroǵa baǵalanǵan. Buǵan uzaq ýaqyt boiy Napoleon otyrǵan taqtardyń sany beseý degen pikir áser etti. Olardyń biri Parijdiń Tiýilri saraiynda, ekinshisi Sen-Klý qamalynda, úshinshisi Senatta, tórtinshisi Ulttyq jinalys ǵimaratynda, besinshisi Parij meriiasynda saqtaýly.
Aýktsion úiiniń málimetine qaraǵanda, HIH ǵasyrdyń aiaǵynda amerikalyq filantrop Maikl Genri de Iang Napoleonnyń osy taǵyn San-Frantsiskodaǵy beineleý óneri mýzeiine syiǵa tartqan.
Aita keteiik, biyl tamyz aiynda frantsýz imperatorynyń týǵanyna 250 jyl tolady.
