Eki kún buryn Parijdegi aýrýhanalardyń birinde koronavirýstan mektep oqýshysy qaitys boldy. Bul týraly juma, 27 naýryzda Radio France Internationale habarlady. 16 jastaǵy oqýshy - Frantsiiada koronavirýstan qaitys bolǵan kámeletke tolmaǵan alǵashqy jasóspirim.
Ótken aptada mektep oqýshysynda jótel paida bolyp, senbi kúni tynysy taryla bastaǵan. Dúisenbi kúni jóteli kúsheie túsken. Anasy Jiýlidi dárigerge aparǵan. Terapevt "durys tynys ala almaidy" dep jedel járdem kóligin shaqyrǵan.
Qyz balany jaqyn jerdegi aýrýhanaǵa aparǵan kezde odan koronavirýs tabylǵan. Dárigerler odan soń oqýshyny Parijdegi balalar aýrýhanasyna aýystyrǵan. Qaitys bolardan birneshe saǵat buryn Jiýli júrek aýrýyna shaǵymdanǵan.
Frantsiia densaýlyq saqtaý ministriniń orynbasary Jerom Salomon beisenbi kúni keshke mektep oqýshysy jastarda sirek kezdesetin virýs aýrýynyń shaldyqqanyn aitty.
Úkimet jetekshisi Edýard Filipp 28 naýryzda Frantsiiany epidemiia jailap jatyr dep málimdegen.
Frantsiiada 29 myńnan astam adamǵa virýs juqqan, 1696 adam virýstan qaitys bolǵan. 5 myńǵa jýyq adam aiyqqan.
