Qazirgi kezde 10 millionnan astam frantsýzdyq koronavirýsqa qarsy vaktsinanyń alǵashqy dozasyn aldy. Bul týraly beisenbi kúni Frantsiia premer-ministri Jan Kasteks Val-de-Marn departamentinde (Il-de-Frans astanalyq aimaǵy) vaktsinatsiia ortalyǵyna barǵan kezde habarlady, dep jazady "Ult aqparat".
«Biz vaktsinalaý qarqynyn oilaǵanymyzdan bir aptaǵa tezdettik», – dedi Kasteks. Respýblika Úkimetiniń Twitter-degi paraqshasyndaǵy jazbasyn keltirer bolsaq, ol bylai dedi: «Qazirdiń ózinde 10 millionnan astam frantsýz vaktsinanyń alǵashqy dozasyn aldy».
Buǵan deiin Frantsiia biligi 10 millionǵa jýyq frantsýzdy, iaǵni el halqynyń shamamen 15%-yn 15 sáýirge deiin egedi dep kútken. Qazir Frantsiiada vaktsinanyń ekinshi dozasyn 3 millionnan astam adam aldy.
«Bul óte jaqsy qarqyn. Frantsiia belsendi vaktsinalaýda jáne ony koronavirýsqa qarsy kúrestegi basty mindeti dep sanaidy», – dedi Kasteks. Premer meditsinalyq qyzmetkerlerge koronavirýspen kúresý naýqanyna kúsh salǵany úshin alǵys aitty. «Aptasyna jeti kún boiy barlyq meditsina qyzmetkerleri halyqty vaktsinatsiialaýǵa jumyldyryldy», – dedi frantsýz ministrler kabinetiniń basshysy.
Biliktiń málimetinshe, Frantsiiada osy ýaqytqa deiin 4,8 millionnan astam koronavirýs infektsiiasy tirkelgen. Indet saldarynan 97 myńnan astam adam qaitys boldy. Sońǵy jeti kúnde Frantsiia aýrýhanalaryna 13 myńnan astam naýqas tústi, onyń 5 myńnan astamy reanimatsiia bólimshelerinde jatyr.
