Frantsiianyń qazirgi prezidenti Emmanýel Makron men "Ulttyq birlik" ásire ońshyl kúshteriniń ókili Marin Le Pen prezident sailaýynyń ekinshi týryna ótedi, dep habarlaidy Azattyq.
10 sáýirdegi alǵashqy týr aiaqtalǵannan keiingi ekzit-pol málimetteri osyny kórsetken.
Barlyǵy 4 saýalnama nátijesi jariialanǵan. Onyń qorytyndysyna qaraǵanda, Makron 28-29,5 paiyz, Le Pen 23-24,5 paiyz daýys jinaǵan. Osy oraida Makronnyń birtindep alǵa uzap bara jatqany baiqalady.
Úshinshi orynda 20 paiyz daýyspen ásire solshyl kandidat Jan-Liýk Melanshon tur. Jeksenbidegi sózinde ol Makrondy tikelei qoldamasa da, jaqtastaryn ekinshi týrda Le Penge daýys bermeýge shaqyrdy. Tórtinshi orynǵa shyqqan ultshyl-popýlist Erik Zemmýra Len Pendi qoldady.
Sailaý nátijeleri osydan bys jyl burynǵy sailaýǵa qatty uqsaidy, onda da Makron men Le Pen ekinshi týrǵa shyqqan. Ol kezde Makron jeńiske óte senimdi jetse, sotsiologtardyń pikirinshe, qazirgi báseke odan áldeqaidy tartysty bolady.
Ekinshi týr eki aptadan keiin ótedi.
- Frantsiia halyqaralyq radiosynyń habarlaýynsha, 39 jasynda sailanǵan Emmanýel Makronnyń prezidenttik merzimi Frantsiiadaǵy jáne álemdegi daǵdarystarǵa týra kelgen. Onyń ishinde zeinetaqy reformasyn radikaldy túrde reformalaýǵa kelispegen "sary jiletterdiń" qarsylyǵy, koronavirýs indeti jáne Reseidiń Ýkrainaǵa basqynshylyǵy bar.
- Makron kandidatýrasyn ekinshi merzimge usynatynyn birinshi týrǵa 40 kún qalǵanda ǵana resmi túrde jariialady. Ol "ózi oilaǵandai sailaý kampaniiasyn júrgize almai jatqanyn" málimdep, jumysynyń qaýyrttyǵyna bailanysty ózge kandidattarmen tikelei debatqa shyǵýdan bas tartty.
- Associated Press infliatsiianyń joǵarylaýy, azyq-túlik pen janar-jaǵar maidyń qymbattaýyna bailanysty keiingi kezde Makron reitingi tómendedi dep esepteidi.
- Buryn Máskeýge barǵan, keibir sarapshylar Kremlshil saiasatker dep te baǵalaǵan Marin Le Pen Reseidiń Ýkrainaǵa basqynshylyǵyn aiyptaǵan.
