فرانتسييانىڭ قازٸرگٸ پرەزيدەنتٸ ەممانۋەل ماكرون مەن "ۇلتتىق بٸرلٸك" ەسٸرە وڭشىل كٷشتەرٸنٸڭ ٶكٸلٸ مارين لە پەن پرەزيدەنت سايلاۋىنىڭ ەكٸنشٸ تۋرىنا ٶتەدٸ, دەپ حابارلايدى ازاتتىق.
10 سەۋٸردەگٸ العاشقى تۋر اياقتالعاننان كەيٸنگٸ ەكزيت-پول مەلٸمەتتەرٸ وسىنى كٶرسەتكەن.
بارلىعى 4 ساۋالناما نەتيجەسٸ جارييالانعان. ونىڭ قورىتىندىسىنا قاراعاندا, ماكرون 28-29,5 پايىز, لە پەن 23-24,5 پايىز داۋىس جيناعان. وسى ورايدا ماكروننىڭ بٸرتٸندەپ العا ۇزاپ بارا جاتقانى بايقالادى.
ٷشٸنشٸ ورىندا 20 پايىز داۋىسپەن ەسٸرە سولشىل كانديدات جان-ليۋك مەلانشون تۇر. جەكسەنبٸدەگٸ سٶزٸندە ول ماكروندى تٸكەلەي قولداماسا دا, جاقتاستارىن ەكٸنشٸ تۋردا لە پەنگە داۋىس بەرمەۋگە شاقىردى. تٶرتٸنشٸ ورىنعا شىققان ۇلتشىل-پوپۋليست ەريك زەممۋرا لەن پەندٸ قولدادى.
سايلاۋ نەتيجەلەرٸ وسىدان بىس جىل بۇرىنعى سايلاۋعا قاتتى ۇقسايدى, وندا دا ماكرون مەن لە پەن ەكٸنشٸ تۋرعا شىققان. ول كەزدە ماكرون جەڭٸسكە ٶتە سەنٸمدٸ جەتسە, سوتسيولوگتاردىڭ پٸكٸرٸنشە, قازٸرگٸ بەسەكە ودان ەلدەقايدى تارتىستى بولادى.
ەكٸنشٸ تۋر ەكٸ اپتادان كەيٸن ٶتەدٸ.
- فرانتسييا حالىقارالىق راديوسىنىڭ حابارلاۋىنشا, 39 جاسىندا سايلانعان ەممانۋەل ماكروننىڭ پرەزيدەنتتٸك مەرزٸمٸ فرانتسيياداعى جەنە ەلەمدەگٸ داعدارىستارعا تۋرا كەلگەن. ونىڭ ٸشٸندە زەينەتاقى رەفورماسىن راديكالدى تٷردە رەفورمالاۋعا كەلٸسپەگەن "سارى جيلەتتەردٸڭ" قارسىلىعى, كوروناۆيرۋس ٸندەتٸ جەنە رەسەيدٸڭ ۋكرايناعا باسقىنشىلىعى بار.
- ماكرون كانديداتۋراسىن ەكٸنشٸ مەرزٸمگە ۇسىناتىنىن بٸرٸنشٸ تۋرعا 40 كٷن قالعاندا عانا رەسمي تٷردە جارييالادى. ول "ٶزٸ ويلاعانداي سايلاۋ كامپانيياسىن جٷرگٸزە الماي جاتقانىن" مەلٸمدەپ, جۇمىسىنىڭ قاۋىرتتىعىنا بايلانىستى ٶزگە كانديداتتارمەن تٸكەلەي دەباتقا شىعۋدان باس تارتتى.
- Associated Press ينفلياتسييانىڭ جوعارىلاۋى, ازىق-تٷلٸك پەن جانار-جاعار مايدىڭ قىمباتتاۋىنا بايلانىستى كەيٸنگٸ كەزدە ماكرون رەيتينگٸ تٶمەندەدٸ دەپ ەسەپتەيدٸ.
- بۇرىن مەسكەۋگە بارعان, كەيبٸر ساراپشىلار كرەملشٸل ساياساتكەر دەپ تە باعالاعان مارين لە پەن رەسەيدٸڭ ۋكرايناعا باسقىنشىلىعىن ايىپتاعان.
