Nur-Sultanda Frantsiiamen dini birlestikterdiń quqyqtaryn qamtamasyz etý salasyndaǵy tájiribe almasý suraqtary talqylandy, dep habarlaidy "Ult aqparat".
Búgin Aqparat jáne qoǵamdyq damý ministrliginde Din isteri komitetiniń tóraǵasy Erjan Núkejanov Frantsiianyń Qazaqstandaǵy Tótenshe jáne Ókiletti Elshisi Dide Kanespen kezdesti.
Kezdesý barysynda E.Núkejanov Qazaqstannyń konfessiiaaralyq kelisimdi qamtamasyz etýdegi tájiribesimen bólisti.
Sondai-aq, adamdardyń ar-ojdan bostandyǵyna quqyqtaryn qamtamasyz etý jáne barlyq zańdy áreket etetin dini birlestiktermen syndarly yntymaqtastyq ornatý boiynsha atqarylǵan jumyspen tanystyryp ótti.
Budan basqa, dini senim bostandyǵy salasyndaǵy ekijaqty yntymaqtastyq, sondai-aq dini birlestikterdiń quqyqtaryn qorǵaý jáne qamtamasyz etý boiynsha tájiribe almasý máseleleri talqylandy.
D.Kanes Qazaqstandaǵy dini senim bostandyǵyn qamtamasyz etý salasyndaǵy oń dinamikany joǵary baǵalady.
Kezdesý sońynda taraptar aldaǵy ýaqytta tyǵyz jáne ózara tiimdi qarym-qatynas ornatýǵa niet bildirdi.
