Búgin Frantsiianyń Densaýlyq saqtaý ministri Olive Veran ulttyq vaktsinalaý strategiiasyna engizilgen ózgerister týraly aitty, dep habarlaidy "Ult aqparat".
Frantsiia úkimetin sońǵy kezderi halyqty vaktsinalaý úderisiniń sylbyrlyǵy úshin jergilikti qoǵamdastyq qatty synap júr. Qarttar úiindegi azamattardy vaktsinalaýdy qarastyratyn birinshi fazany densaýlyq saqtaý ministrligi tym baiaýlatyp jiberdi.
Vedomstvo ókilderi vaktsina dozasyn jibermei turyp, mekemelerden ekpe alǵysy keletin azamattardyń tizimin jiberýdi suraǵan. Qarttar úii turǵyndarynyń kelisimin alýmen bailanysty jaǵdaidyń kúrdelenip ketýi, vaktsina aldyndaǵy meditsinalyq tekserýler de bul úderisti tejei tústi.
«Kóp adamdardyń vaktsina alýǵa degen quqyǵy keńeiedi, tirkeý protsedýralary da jeńildeidi», - dedi Frantsiia televiziiasynyń efirinde Densaýlyq saqtaý ministri.
Endi Frantsiiada preparatty úiden qyzmet kórsetetin meditsina mamandary men 50-den asqan órt sóndirýshiler de ala alady. Buǵan deiin osy kategoriiadaǵy azamattar Frantsiiadaǵy besdeńgeili vaktsinalaý josparynyń ekinshi bóligine kirgen.
«Vaktsina alǵan azamattar sany aldaǵy birneshe kúnde bizdiń kórshilerimizdi basyp ozady», - dedi O.Veran.
Onyń sózinshe, aptanyń ortasyna taman taǵy 100 aýrýhana vaktsinalaýǵa daiyn bolady, sondai-aq 100 vaktsinalaý ortalyǵy biylǵy jyldyń qańtarynda ashylady.
