Elordada Forte Kulanshi ArtSpace galereiasy barlyq kelýshilerine esigin aiqara ashady. «Muǵalim jáne oqýshy» ekspozitsiiasy beineleý ónerindegi urpaq sabaqtastyǵyn kórsetýge arnalǵan, dep habarlaidy "Ult aqparat".
Biz kelýshilerdi óner álemine engizip, olardy ár elden kelgen sheberlerdiń jumystarymen tanystyrýǵa tyrysamyz. Jańa kórme bizdiń ómirimizdiń basty protsesteriniń birine arnalǵan - búgin biz muǵalimderdiń ár adamdy tárbieleý men damytý úderisindegi róli týraly aitamyz. Bank retinde biz bárimiz úshin qiyn karantindik ýaqytta ónerge qoldaý kórsete alǵandyǵymyzǵa, óner keńistiginde jumys istei alatynymyzǵa óte qýanyshtymyn», - dep atap ótti ForteBank basqarma tóraǵasy Gýram Andronikashvili.
Búgingi býyn arasynda tájiribe almasýdan basqa, kóptegen týyndylardyń leitmotivi - otbasyndaǵy beibitshilik pen tynyshtyqty saqtaý ideiasy, sondyqtan týyndylardyń taqyryptary otbasylyq kórinisterdi, qala men aýyldyń kúndelikti ómirin, týystary men dostarynyń portretterin beineleidi.
Kórmeniń kýratory, doktor Leila Mahat atap ótkendei, usynylǵan jumystardyń barlyǵy derlik karantin kezeńinde jasalǵan jáne olar ekspozitsiiaǵa konkýrstyq negizde tańdalǵan.
«Bul biz úshin erekshe joba boldy, mundai kórme Qazaqstanda buryn-sońdy bolǵan emes. Avtorlardyń quramyna 15 sýretshi-muǵalim jáne 20 stýdent kiredi. Irikteý kezeńinde biz jas avtorlarǵa senim arttyq jáne bul protsestiń ózi óte qarqyndy ótti. Stýdentterden, oqytýshylardan, túlekterden júzdegen ótinishter kelip tústi. Sonymen, ekspozitsiianyń eń jas avtorlary, 15-16 jastaǵy kolledj stýdentteri Bul rette týyndylardyń negizgi úlesi shyǵarmashylyq sipatqa ie jáne oqý baǵdarlamasynyń bóligi bolyp tabylmaidy, bul baǵdarlamada málimdelgen árbir avtordyń óz oiyn tolyq bildirý erkindigin aiqyndady», - dep bólisti Leila Mahat.
QazUÓÝ-diń óner fakýltetiniń dekany Ǵaini Muhtarova kórmege qatysýshylardyń arasynda respýblikalyq jáne halyqaralyq platformalarda burynnan tanylǵan talanttardyń bar ekendigine nazar aýdardy: olardyń arasynda «Daryn» jastar syilyǵynyń iegerleri, Nursultan Nazarbaev qorynyń laýreattary bar.
«Muǵalim men oqýshy» kórmesi 21 naýryzǵa deiin jalǵasady. Týrlar arnaiy formatta, barlyq epidemiologiialyq standarttarǵa sáikes, úsh tilde ótkiziledi. Kulanshi ArtSpace saitynda kórsetilgen nómirler arqyly jazylýǵa bolady.
