Foto: media.ford.com jáne ixbt.com
Amerikalyq avtokólik óndirýshi Ford pen nemistiń Mercedes-Benz kontserni reseilik kompaniialardaǵy úlesin satqanyn jariialady, - dep habarlaidy Tengrinews.kz tilshisi.
"Ford Motor Company Reseidegi buryn toqtatylǵan qyzmetin aiaqtady, ol Sollers Ford birlesken kásipornyndaǵy 49 paiyz úlesin satty. Ford aktsiialary birlesken kásiporynǵa nominal baǵamen beriledi. Eger jahandyq jaǵdai ózgerse, Ford ózine 5 jyl ishinde aktsiialardy keri satyp alý quqyǵyn qaldyrdy", - dedi kompaniianyń baspasóz qyzmeti ókilderi.
Aktsiialardy satý biyl naýryzda Reseidegi barlyq operatsiia, sonyń ishinde óndirý, qosalqy bólshekterdi jetkizý, IT jáne injenerlik qoldaý tolyǵymen toqtatylǵannan keiin jasalǵany atap ótildi.
Mercedes-Benz de Reseiden ketip, reseilik enshiles kompaniialardaǵy aktsiialaryn Avtodom dilerlik holdingine satady, dep habarlaidy iXBT.com.
Mercedes-Benz baspasóz qyzmeti kompaniianyń Resei naryǵynan shyǵatynyn rastady. "Mersedes-Bents Rýs" kompaniiasynyń bas direktory Natalia Korolevanyń aitýynsha, mámile sharttaryn kelisýdegi negizgi basymdyqtar: reseilik klientter aldyndaǵy mindettemelerdi satýdan keiingi qyzmet kórsetý jáne qarjylyq qyzmet kórsetý salasynda barynsha qamtamasyz etý, sondai-aq kompaniianyń reseilik bólimsheleri qyzmetkerleriniń jumys oryndaryn saqtaý.
"Avtodom" kompaniiasy Esipovo indýstrial parkindegi zaýyt bazasynda birlesken óndiristi uiymdastyrý úshin óndiristik seriktester retinde basqa kompaniialardy tarta alady. Tehnologiialyq seriktesti tańdaýmen Reseidiń Indýstriia jáne saýda ministrligi kómektesýge ýáde bergen.
