Foto:elements.envato.com
Forbes jýrnalynyń qazaqstandyq nusqasy 2022 jylǵy eń yqpaldy otandyq biznesmender reitingin jasady, - dep habarlaidy Tengrinews.kz tilshisi.
Pandemiiadan keiingi kezeńde elde kóp nárse ózgerdi, sondyqtan biyl reiting avtorlary ádisnamany ózgertýdi uiǵarǵan. Reiting tizimine eldiń 84 tanymal jáne belsendi kásipkerleri kirgen, olardyń qoǵamdyq jáne demeýshilik qyzmeti eskerilgen. Osydan keiin zertteý toby 2021 jyly kapital men salyqtar boiynsha kóbirek upai jinaǵan 55 qatysýshyny tańdaǵan.
"Reiting Forbes Kazakhstan-nyń baǵalaýshy jýrnalistik jazbasy jáne ony qujat nemese resmi aqparat retinde paidalanýǵa bolmaidy", - dep jazdy avtorlar.
Qatysýshylardyń ortasha jasy 52-den 54 jasqa deiin óskeni atap ótildi. Sonymen qatar, biyl tizimde tek er adamdar. Bir jyl buryn reitingte kásipker Gaýhar Qapparova bolǵan edi.
Biyl "ALMEKS" holding tobynyń iesi, 56 jastaǵy Timýr Qulybaev eń yqpaldy kásipker bolǵan. Odan keiin Kaspi.kz direktorlar keńesiniń tóraǵasy, 53 jastaǵy Viacheslav Kimtur. Reitingtiń úshinshi ornyn ForteBank-tyń negizgi iesi 64 jastaǵy Bolat Ótemuratov ielengen.
Tórtinshi orynda "Astana Grýp" holdinginiń negizin qalaýshy jáne prezidenti 57 jastaǵy Nurlan Smaǵulov tur. Odan keiin direktorlar keńesiniń tóraǵasy jáne Eurasian Resources Group aktsioneri 68 jastaǵy Aleksandr Mashkevich. Reitingtiń altynshy ornyn KAZ Minerals Ltd prezidenti 61 jastaǵy Vladimir Kim ielengen.
Jetinshi orynda Kaspi.kz basqarma tóraǵasy tur, 46 jastaǵy Mihail Lomtadze. Odan keiin reitingtiń eń jas eki múshesiniń biri - Freedom Holding Corp negizin qalaýshy ornalasqan, 34 jastaǵy Timýr Týrlov. Toǵyzynshy orynda BI Group holdingi direktorlar keńesiniń tóraǵasy 50 jastaǵy Aidyn Rahymbaev. Reitingtiń alǵashqy ondyǵyn "Fincraft Investitsiia úiiniń" iri aktsioneri 43 jastaǵy Keńes Raqyshevaiaqtap tur.
Forbes nusqasy boiynsha Qazaqstandaǵy eń yqpaldy biznesmenderdiń tolyq tizimin myna siltemeden kórýge bolady.
