Qazaqstan Respýblikasy Mádeniet jáne aqparat ministrliginiń qoldaýymen 29 mamyr kúni Roza Baǵlanova atyndaǵy «Qazaqkontsert» memlekettik akademiialyq kontserttik uiymynda «FOLK SHOW» kontserti ótti, dep habarlaidy ult.kz.
Jobanyń avtory ári dirijeri Ádilet Azbaevtyń jetekshiligimen «Astana sazy» Qazaq memlekettik folklorlyq ansambli, Qazaq memlekettik simfoniialyq orkestriniń ártisteri, G band toby, «Gúlder» ansambliniń ártisteri jáne «Qazaqkontserttiń» ózge de tanymal ónerpazdary óner kórsetti.
Kontsert barysynda qazaqtyń tanymal ánderi jańa formatta oryndalyp, bir baǵdarlama aiasynda álemdik shyǵarmalar men kino saýndtrekteri de usynyldy.
Foto: Qazaqkontsert
Repertýarǵa «Adai», «Mahambet», «Balalyq shaq», «Mahabbat beketi» jáne «Taxi», «Pirates of the Caribbean», «Troia», «Gladiator» filmderiniń saýndtrekteri endi.
«FOLK SHOW» jobasy kontserttik maýsymnyń mańyzdy oqiǵalarynyń biri boldy.
Aita keteiik, 27 maýsym kúni «Qazaqkontserttiń» 65-kontserttik maýsymynyń jabylýyna arnalǵan Gala-kontsert aiasynda «Folk Show» baǵdarlamasy keńeitilgen formatta qaita usynylady.
Foto: Qazaqkontsert
