Elordada QR IIDM Azamattyq aviatsiia komitetiniń tóraǵasy Talǵat Lastaev FlyArystan áýe kompaniiasynyń basshysy Tim Djordanmen kezdesti, dep habarlaidy "Ult aqparat".
Kompaniia basshysy Nur-Sultan - Almaty baǵytyndaǵy áýe biletteriniń 6 999 teńgeden satylyp jatqanyn habarlady. «Almaty - Nur-Sultan» baǵyty boiynsha áýe reisteri kúnine eki ret ushyrylady. Satylym bastalǵan soń, eki saǵatta 2 myńnan astam bilet satylyp ketti. 1 sekýndta 1 biletten satylyp jatyr. Satylǵan áýe biletteriniń 70% júksiz tarifpen alynǵan. Sondai-aq, 90% bilet onlain túrde satylǵan», - delingen QR IIDM Azamattyq aviatsiia komitetiniń habarlamasynda.
Komitettiń habarlaýynsha, erteń FlyArystan áýe kompaniiasy Almaty - Qaraǵandy baǵyty boiynsha biletter satylymyn bastaidy.
