Sýret: ashyq derekkóz
Búgin Bas prokýratýra jáne Ishki ister ministrliginiń Interpol qyzmetkerleri Qazaqstan Respýblikasynyń Armeniiadaǵy Elshiliginiń kómegimen qarjy piramidasyn basqarǵan Qazaqstan azamatyn qylmystyq jaýapqa tartý úshin elge ekstraditsiialady.
QR Bas prokýratýrasy baspasóz qyzmetiniń habarlaýynsha, 2019 -2021 jyldar aralyǵynda kúdikti Qostanai oblysyndaǵy «Finiko» qarjy piramidasynyń qurylymdyq bólimshesin basqarǵan, nátijesinde qyryqqa jýyq adamnyń 167 mln teńgeden astam qarjysyn qoldy etken.
Qylmystyq topqa qatysýshylardyń bir bóligi buryn túrli qylmystar jasaǵany úshin sottalǵan, al qylmys jasalǵannan keiin kúdikti Armeniiada jasyrynyp júrgen jáne ol sol elde ustaldy.
Qazirgi ýaqytta kúdikti Aqtaý qalasynyń tergeý izoliatoryna qamaýǵa alyndy.
"Aiyp taǵylǵan qylmysty jasaǵany úshin 7 jylǵa deiingi merzimge belgili bir qyzmetpen ainalysý quqyǵynan aiyra otyryp, múlki tárkilenip, 5 jyldan 12 jylǵa deiingi merzimge bas bostandyǵynan aiyrý túrindegi jaza kózdelgen", - delingen Bas prokýratýranyń baspasóz qyzmeti tartqan aqparatta.
