Almatyda «Finbet» býkmekerlik keńsesiniń basshylary sottaldy. Bul týraly Qarjylyq monitoring agenttigi habarlady.
QR Qarjylyq monitoring agenttiginiń Almaty qalasy boiynsha Ekonomikalyq tergep-tekserý departamenti «Finbet» býkmekerlik keńsesiniń basshylaryna qatysty sotqa deiingi tergeýdi aiaqtady.
Tergeý barysynda «Finbet» býkmekerlik keńsesiniń basshylary býkmekerlik qyzmetpen qatar Qazaqstan Respýblikasy aýmaǵynda asa iri mólsherde, 300 mln.teńgeden astam somada kiris alýmen zańsyz oiyn biznesimen ainalysqany anyqtaldy.
Qumar oiyndarǵa quqyqqa qaishy aqshalai mólsherlemelerdi qabyldaý Almaty, Shymkent qalalarynda, Almaty, Atyraý, Batys Qazaqstan, Qostanai, Mańǵystaý jáne Pavlodar oblystarynda ornalasqan 43 mekemede júzege asyrylǵan.
Sot úkimimen úsh aiyptalýshy QR QK 307-baby 3-b. 2-t. boiynsha kináli dep tanylyp, eki uiymdastyrýshyǵa shartty túrde 4 jyl merzimge bas bostandyǵynan aiyrý túrindegi, al bireýine 2,4 mln teńge somasynda aiyppul túrindegi jaza taǵaiyndaldy.
Qylmystyq is boiynsha 100 mln. teńgeden astam somaǵa aqsha qarajaty men basqa da múlikter tárkilendi.
