«Finbet» بۋكمەكەرلٸك كەڭسەسٸنٸڭ باسشىلارى سوتتالدى

الماتىدا «Finbet» بۋكمەكەرلٸك كەڭسەسٸنٸڭ باسشىلارى سوتتالدى. بۇل تۋرالى قارجىلىق مونيتورينگ اگەنتتٸگٸ حابارلادى.

قر قارجىلىق مونيتورينگ اگەنتتٸگٸنٸڭ الماتى قالاسى بويىنشا ەكونوميكالىق تەرگەپ-تەكسەرۋ دەپارتامەنتٸ «Finbet» بۋكمەكەرلٸك كەڭسەسٸنٸڭ باسشىلارىنا قاتىستى سوتقا دەيٸنگٸ تەرگەۋدٸ اياقتادى. 

تەرگەۋ بارىسىندا «Finbet» بۋكمەكەرلٸك كەڭسەسٸنٸڭ باسشىلارى بۋكمەكەرلٸك قىزمەتپەن قاتار قازاقستان رەسپۋبليكاسى اۋماعىندا اسا ٸرٸ مٶلشەردە, 300 ملن.تەڭگەدەن استام سومادا كٸرٸس الۋمەن زاڭسىز ويىن بيزنەسٸمەن اينالىسقانى انىقتالدى.

قۇمار ويىندارعا قۇقىققا قايشى اقشالاي مٶلشەرلەمەلەردٸ قابىلداۋ الماتى, شىمكەنت قالالارىندا, الماتى, اتىراۋ, باتىس قازاقستان, قوستاناي, ماڭعىستاۋ جەنە پاۆلودار وبلىستارىندا ورنالاسقان 43 مەكەمەدە جٷزەگە اسىرىلعان.

سوت ٷكٸمٸمەن ٷش ايىپتالۋشى قر قك 307-بابى 3-ب. 2-ت. بويىنشا كٸنەلٸ دەپ تانىلىپ, ەكٸ ۇيىمداستىرۋشىعا شارتتى تٷردە 4 جىل مەرزٸمگە باس بوستاندىعىنان ايىرۋ تٷرٸندەگٸ, ال بٸرەۋٸنە 2,4 ملن تەڭگە سوماسىندا ايىپپۇل تٷرٸندەگٸ جازا تاعايىندالدى.

قىلمىستىق ٸس بويىنشا 100 ملن. تەڭگەدەن استام سوماعا اقشا قاراجاتى مەن باسقا دا مٷلٸكتەر تەركٸلەندٸ.