Kýbanyń memlekettik aqparat quraldary osy eldiń burynǵy basshysy Fidel Kastronyń qaitys bolǵany týraly habarlap jatyr.
1959 jyly qarýly tóńkeris nátijesinde bilikke kelgen Fidel Kastro 2008 jylǵa deiin eldi basqardy. Aýyr naýqastan keiin ol bilikti inisi Raýl Kastroǵa berip, sodan beri kópshiliktiń kózine túse bermeitin. Sońǵy ret Fidel Kastro biyl tamyzdyń 13-i kúni óziniń 90 jyldyq mereitoiyna arnalǵan saltanatty sharaǵa qatysqan kezde jurtqa kóringen.
Kýba úkimeti Fidel Kastronyń densaýlyq jaǵdaiyna bailanysty sarań málimetpen shekteletin.
Fidel Kastro bilikke kelgen soń Kýba men AQSh arasynda diplomatiialyq bailanys úzilip, tek byltyr, 2016 jyly ǵana qaita ornaǵan. Kastro SSSR-men tyǵyz qarym-qatynas ornatty.
1962 jyly kúzde SSSR-diń Kýbaǵa atom qarýy bar zymyrandardy ornalastyrýy tarihta «Karib daǵdarysy» degen ataýmen belgili 13 kúnge sozylǵan saiasi daǵdarysqa alyp kelgen edi. Sarapshylar bul daǵdarys kezinde álem dúniejúzilik iadrolyq soǵysqa shaq qalǵan dep sipattaidy.
Halyqaralyq quqyqqorǵaýshy uiymdar men demokratiialyq elder Fidel Kastrony Kýbada saiasi qarsylastaryn aiaýsyz jazalap, adam quqyqtaryn aiaqqa taptaityn diktatorlyq bilik júiesin ornatqany úshin synǵa alǵan.
