كۋبانىڭ مەملەكەتتٸك اقپارات قۇرالدارى وسى ەلدٸڭ بۇرىنعى باسشىسى فيدەل كاسترونىڭ قايتىس بولعانى تۋرالى حابارلاپ جاتىر.
1959 جىلى قارۋلى تٶڭكەرٸس نەتيجەسٸندە بيلٸككە كەلگەن فيدەل كاسترو 2008 جىلعا دەيٸن ەلدٸ باسقاردى. اۋىر ناۋقاستان كەيٸن ول بيلٸكتٸ ٸنٸسٸ راۋل كاستروعا بەرٸپ, سودان بەرٸ كٶپشٸلٸكتٸڭ كٶزٸنە تٷسە بەرمەيتٸن. سوڭعى رەت فيدەل كاسترو بيىل تامىزدىڭ 13-ٸ كٷنٸ ٶزٸنٸڭ 90 جىلدىق مەرەيتويىنا ارنالعان سالتاناتتى شاراعا قاتىسقان كەزدە جۇرتقا كٶرٸنگەن.
كۋبا ٷكٸمەتٸ فيدەل كاسترونىڭ دەنساۋلىق جاعدايىنا بايلانىستى ساراڭ مەلٸمەتپەن شەكتەلەتٸن.
فيدەل كاسترو بيلٸككە كەلگەن سوڭ كۋبا مەن اقش اراسىندا ديپلوماتييالىق بايلانىس ٷزٸلٸپ, تەك بىلتىر, 2016 جىلى عانا قايتا ورناعان. كاسترو سسسر-مەن تىعىز قارىم-قاتىناس ورناتتى.
1962 جىلى كٷزدە سسسر-دٸڭ كۋباعا اتوم قارۋى بار زىمىرانداردى ورنالاستىرۋى تاريحتا «كاريب داعدارىسى» دەگەن اتاۋمەن بەلگٸلٸ 13 كٷنگە سوزىلعان ساياسي داعدارىسقا الىپ كەلگەن ەدٸ. ساراپشىلار بۇل داعدارىس كەزٸندە ەلەم دٷنيەجٷزٸلٸك يادرولىق سوعىسقا شاق قالعان دەپ سيپاتتايدى.
حالىقارالىق قۇقىققورعاۋشى ۇيىمدار مەن دەموكراتييالىق ەلدەر فيدەل كاسترونى كۋبادا ساياسي قارسىلاستارىن اياۋسىز جازالاپ, ادام قۇقىقتارىن اياققا تاپتايتىن ديكتاتورلىق بيلٸك جٷيەسٸن ورناتقانى ٷشٸن سىنعا العان.
