Foto: Pixabay.com
Qaraǵandyda ferroqorytpa zaýytynda tótenshe jaǵdai kezinde zardap shekken 31 jastaǵy qyzmetker alǵan jaraqattardyń saldarynan qaitys boldy, dep habarlaidy Kazinform.
Zardap shekkenderdiń biri qaitys bolǵany týraly qaiǵyly jańalyqty Qaraǵandy oblysynyń Densaýlyq saqtaý basqarmasy málimdedi.
«Dárigerlerdiń salǵan barlyq kúsh-jigerine qaramastan, Qaraǵandy ferroqorytpa zaýytynda zardap shekken qyzmetkerlerdiń birin ólim aýzynan arashalap qalý múmkin bolmady. 1993 jyly týǵan er adamnyń denesin 85% tereń kúiik shalǵan. Osy ýaqytqa deiin bul naýqas óte aýyr jaǵdaida bolyp, búgin qaitys boldy», - dep habarlady basqarmadan.
Qalǵan bes zardap shekken adamnyń jaǵdaiy áli de óte aýyr. Eki naýqas reanimatsiia bóliminde.
Esterińizge sala keteiik, 20 shildede Qaraǵandyda ferroqorytpa zaýytynyń peshinde kenetten jalyn shyqty. TJ saldarynan kásiporynnyń segiz qyzmetkeri zardap shekti. Olar Professor H. J. Maqajanov atyndaǵy kópsalaly aýrýhanasyna jatqyzyldy.
QR Densaýlyq saqtaý Ministrliginiń tapsyrmasy boiynsha qosymsha meditsinalyq kómek kórsetý úshin Qaraǵandyǵa Akademik N. D. Bátpenov atyndaǵy Ulttyq Travmatologiia jáne ortopediia ǵylymi ortalyǵynyń direktory Oljas Bekarysov bastaǵan qyzmetkerler toby keldi.
