Ózbekstan Respýblikasy Ferǵana oblysy ákiminiń orynbasary Hýrshidjon Ahmedov bastaǵan delegatsiia arnaiy Túrkistanǵa issaparmen keldi, dep habarlaidy «Ult aqparat» oblys ákimdiginiń baspasóz qyzmetine silteme jasap.
Túrkistan oblysy ákiminiń orynbasary Ermek Kenjehanuly ózbekstandyq delegatsiiany kútip alyp, túrki elderiniń basyn qosatyn “TURAN” AEA-nyń artyqshylyǵy men múmkinshilikterin tanystyryp, investorlardyń jobalaryn tyńdady.
Ózbekstan Respýblikasy boiynsha toqyma klassteriniń 40 % Ferǵana oblysy quraidy. Ózbekstandyq investor, «Tricolor Textile» kompaniiasynyń direktory Bahtiior Sadikov Túrkistan oblysynan tekstil klassteri boiynsha fabrika ashýǵa, 10 mln. AQSh dollarǵa investitsiiaǵa quiýǵa nietti ekenin jetkizdi.
Ol úshin shitten daiyn ónimge deiingi klassterdi damytýǵa jer surady.
Sonymen birge, aýylsharýashylyǵy boiynsha 20 mln. AQSh dollaryn quiýǵa daiyn ekenin aitty. Ol iri qara mal bordaqylap, túrkistandyq kásipkermen ózara kelisim arqyly birge jumys isteýge daiyn ekenin jetkizdi.
Óz kezeginde Ferǵana oblysy ákiminiń orynbasary Hýrshidjon Ahmedov «Túrkistan-Ferǵana» baǵytynda áýetasymalyn ashýdy usynyp, eki oblystyń týristerine keremet múmkinshilik bolaryn jetkizdi. Aldaǵy Ózbekstan elinde ótetin biznes forým aiasynda Túrkistandyq investorlardy óz elimizde kútemiz, jańa jobalar talqylaýǵa daiyn ekenderin jetkizdi.
Aita keteiik, jaqynda Investitsiia jáne eksport basqarmasy basshysynyń orynbasary Nurgúl Abdrazaqova bastaǵan delegatsiia Ózbekstanǵa arnaiy issaparmen baryp, maqta klasteri boiynsha birqatar kompaniialarmen kelissózder júrgizgen bolatyn.
