ٶزبەكستان رەسپۋبليكاسى فەرعانا وبلىسى ەكٸمٸنٸڭ ورىنباسارى حۋرشيدجون احمەدوۆ باستاعان دەلەگاتسييا ارنايى تٷركٸستانعا ٸسساپارمەن كەلدٸ, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
تٷركٸستان وبلىسى ەكٸمٸنٸڭ ورىنباسارى ەرمەك كەنجەحانۇلى ٶزبەكستاندىق دەلەگاتسييانى كٷتٸپ الىپ, تٷركٸ ەلدەرٸنٸڭ باسىن قوساتىن “TURAN” اەا-نىڭ ارتىقشىلىعى مەن مٷمكٸنشٸلٸكتەرٸن تانىستىرىپ, ينۆەستورلاردىڭ جوبالارىن تىڭدادى.
ٶزبەكستان رەسپۋبليكاسى بويىنشا توقىما كلاسستەرٸنٸڭ 40 % فەرعانا وبلىسى قۇرايدى. ٶزبەكستاندىق ينۆەستور, «Tricolor Textile» كومپانيياسىنىڭ ديرەكتورى باحتييور ساديكوۆ تٷركٸستان وبلىسىنان تەكستيل كلاسستەرٸ بويىنشا فابريكا اشۋعا, 10 ملن. اقش دوللارعا ينۆەستيتسيياعا قۇيۋعا نيەتتٸ ەكەنٸن جەتكٸزدٸ.
ول ٷشٸن شيتتەن دايىن ٶنٸمگە دەيٸنگٸ كلاسستەردٸ دامىتۋعا جەر سۇرادى.
سونىمەن بٸرگە, اۋىلشارۋاشىلىعى بويىنشا 20 ملن. اقش دوللارىن قۇيۋعا دايىن ەكەنٸن ايتتى. ول ٸرٸ قارا مال بورداقىلاپ, تٷركٸستاندىق كەسٸپكەرمەن ٶزارا كەلٸسٸم ارقىلى بٸرگە جۇمىس ٸستەۋگە دايىن ەكەنٸن جەتكٸزدٸ.
ٶز كەزەگٸندە فەرعانا وبلىسى ەكٸمٸنٸڭ ورىنباسارى حۋرشيدجون احمەدوۆ «تٷركٸستان-فەرعانا» باعىتىندا ەۋەتاسىمالىن اشۋدى ۇسىنىپ, ەكٸ وبلىستىڭ تۋريستەرٸنە كەرەمەت مٷمكٸنشٸلٸك بولارىن جەتكٸزدٸ. الداعى ٶزبەكستان ەلٸندە ٶتەتٸن بيزنەس فورۋم اياسىندا تٷركٸستاندىق ينۆەستورلاردى ٶز ەلٸمٸزدە كٷتەمٸز, جاڭا جوبالار تالقىلاۋعا دايىن ەكەندەرٸن جەتكٸزدٸ.
ايتا كەتەيٸك, جاقىندا ينۆەستيتسييا جەنە ەكسپورت باسقارماسى باسشىسىنىڭ ورىنباسارى نۇرگٷل ابدرازاقوۆا باستاعان دەلەگاتسييا ٶزبەكستانعا ارنايى ٸسساپارمەن بارىپ, ماقتا كلاستەرٸ بويىنشا بٸرقاتار كومپانييالارمەن كەلٸسسٶزدەر جٷرگٸزگەن بولاتىن.
