Kólsai kólinde er adam muzdai sýǵa sekirip, batyp bara jatqan itti qutqaryp qaldy, dep habarlaidy QazAqparat.
Oqiǵa senbi, 2 sáýir kúni bolldy.
Sol kúnniń qaharmany Ýálihan Beisabaev. Ol - Qaraǵandy qalasynda feldsher bolyp jumys isteidi. Kólsaiǵa áielimen jáne dostarymen demalýǵa kelgen.
«Biz ittiń muzdyń ústinde júrgenin kórdik, keiin ol muz astyna qulap ketti. Biz bárimiz jaǵada ýaiymdap, qarap turdyq. Keiin onyń óz betinshe shyǵa almaitynyn túsindik. Men ózim feldshermin, adamdarǵa kómektesemin, sondyqtan men qol qýsyryp qarap tura almadym. Birden sýǵa sekirdim. It jaǵadan alystaý jerde boldy. Men qaityp kele jatqanda sharshap, álsiredim. Dostarym úlken taiaqtyń kómegimen meni muzdy sýdan jaǵaǵa shyǵardy. Men sýdyń sýyqtyǵyn itti qutqarǵanan keiin ǵana sezdim. Sosyn aiaǵym tartyldy, biraq qorqynysh bolǵan joq», - deidi Ýálihan Beisabaev.
Aitýynsha, sol kúni dene qyzýy kóterilgen, qazir jaǵdaiy jaqsy.
«Meniń mamandyǵym, mindetim adamdardy qutqarý, osy joly itti qutqardym. Óitkeni, tiri jan», – deidi ol.
