Almatydaǵy «Bastaý» 9-halyqaralyq kinofestivalde tanymal qazaqstandyq akter, marqum Farhat Ábdiraiymovqa otandyq kinomatografiiany damytýǵa qosqan úlesi úshin arnaiy marapat berildi, dep habarlaidy QazAqparat.
«Ákem halyq nemese eńbek sińirgen ártisi siiaqty memlekettik ataqtar almaǵan edi, alaida ol árqashan jaqsylyq pen qaiyrymdylyqtyqtyń pen ádildiktiń jaqtaýshysy boldy. Sondyqtan da biz ákemizdiń osy syilyǵyn erekshe yqylaspen qabyldadyq», - dep jazdy akterdiń jelidegi paraqshasynda balalary.
Festival uiymdastyrýshylary syilyqty akterdiń jesiri Viktoriia Ábdiraiymova men uldary Aslan men Temirlanǵa bergen.
Eske salsaq, biyl mamyr aiynda Grýziiada túsirilim barysynda Qazaqstan akteri Farhat Ábdiraiymov qaitys boldy.
Farhat Ábdiraiymov 1966 jyly 21 qańtarda Almaty qalasynda týǵan.
Almaty tehnologiialyq ýniversitetin injener-tehnolog mamandyǵy boiynsha bitirgen. 1999 jyldan Sh.Aimanov atyndaǵy «Qazaqfilm» AQ-nyń akteri bolǵan edi. Ol «Shanhai», «Aqsýat», «Ompa», «Mahabbat tálkegi», «Siqyrshy demeýshi», «Jel adam», «Frantsýz qurbaqasynan ázirlengen borsh», «Shekara», «Jan júregim - Astana», «Parallel álem», «Geizer», «Úsh limon», «Batyr», «Eń sulý» syndy filmderge túsken.
Farhat Nursultanuly RF «Úzdik akter» kino basylymynyń bas júldesin, XXI Halyqaralyq «Sviatoi Georgii Pobedonosets» kinofestivaliniń Gran-pri júldesin jeńip alǵan. 2020 jyly «Altyn Adam» syilyǵynyń «Jyl kinojuldyzy» atalymyn ielengen. QR Prezidentiniń Qurmet gramotasymen marapattalǵan.
