الماتىداعى «باستاۋ» 9-حالىقارالىق كينوفەستيۆالدە تانىمال قازاقستاندىق اكتەر, مارقۇم فارحات ەبدٸرايىموۆقا وتاندىق كينوماتوگرافييانى دامىتۋعا قوسقان ٷلەسٸ ٷشٸن ارنايى ماراپات بەرٸلدٸ, دەپ حابارلايدى قازاقپارات.
«ەكەم حالىق نەمەسە ەڭبەك سٸڭٸرگەن ەرتٸسٸ سيياقتى مەملەكەتتٸك اتاقتار الماعان ەدٸ, الايدا ول ەرقاشان جاقسىلىق پەن قايىرىمدىلىقتىقتىڭ پەن ەدٸلدٸكتٸڭ جاقتاۋشىسى بولدى. سوندىقتان دا بٸز ەكەمٸزدٸڭ وسى سىيلىعىن ەرەكشە ىقىلاسپەن قابىلدادىق», - دەپ جازدى اكتەردٸڭ جەلٸدەگٸ پاراقشاسىندا بالالارى.
فەستيۆال ۇيىمداستىرۋشىلارى سىيلىقتى اكتەردٸڭ جەسٸرٸ ۆيكتورييا ەبدٸرايىموۆا مەن ۇلدارى اسلان مەن تەمٸرلانعا بەرگەن.
ەسكە سالساق, بيىل مامىر ايىندا گرۋزييادا تٷسٸرٸلٸم بارىسىندا قازاقستان اكتەرٸ فارحات ەبدٸرايىموۆ قايتىس بولدى.
فارحات ەبدٸرايىموۆ 1966 جىلى 21 قاڭتاردا الماتى قالاسىندا تۋعان.
الماتى تەحنولوگييالىق ۋنيۆەرسيتەتٸن ينجەنەر-تەحنولوگ ماماندىعى بويىنشا بٸتٸرگەن. 1999 جىلدان ش.ايمانوۆ اتىنداعى «قازاقفيلم» اق-نىڭ اكتەرٸ بولعان ەدٸ. ول «شانحاي», «اقسۋات», «ومپا», «ماحاببات تەلكەگٸ», «سيقىرشى دەمەۋشٸ», «جەل ادام», «فرانتسۋز قۇرباقاسىنان ەزٸرلەنگەن بورشش», «شەكارا», «جان جٷرەگٸم - استانا», «پاراللەل ەلەم», «گەيزەر», «ٷش ليمون», «باتىر», «ەڭ سۇلۋ» سىندى فيلمدەرگە تٷسكەن.
فارحات نۇرسۇلتانۇلى رف «ٷزدٸك اكتەر» كينو باسىلىمىنىڭ باس جٷلدەسٸن, XXI حالىقارالىق «سۆياتوي گەورگيي پوبەدونوسەتس» كينوفەستيۆالٸنٸڭ گران-پري جٷلدەسٸن جەڭٸپ العان. 2020 جىلى «التىن ادام» سىيلىعىنىڭ «جىل كينوجۇلدىزى» اتالىمىن يەلەنگەن. قر پرەزيدەنتٸنٸڭ قۇرمەت گراموتاسىمەن ماراپاتتالعان.
