Қазақстан Тәуелсіздігіне 25 жыл

Móldir Muqan ata-anasyn eske aldy

Móldir Muqan ata-anasyn eske aldy
Foto: Neirojeli arqyly jasaldy

Móldir Muqan áleýmettik jelidegi jazbasynda bala kúninde úiinen qonaq úzilmegenin aityp, búginde ózin tórine shyǵaryp, qurmet kórsetip júrgen jandarǵa alǵys bildirdi, dep habarlaidy ult.kz.

Onyń aitýynsha, ata-anasy qyzmette júrse de, aýyldyń tirligin qatar alyp júrgen. Úige jii qonaq keletindikten, balalary da qolǵabys etken. Móldir on jasynda anasyna dastarqan jaiyp, ony jinaýǵa kómekteskenin, keide sharshap qalatynyn da eske aldy.

“Qazir sondai syily meimannyń ornynda ózim júrgen ekenmin. Tórden oryn berip, syi-siiapatymen qarsy alyp jatqan jaqsylar óte kóp eken ainalamda”, – dep jazdy ol.

Móldir Muqan búginde kórip júrgen qurmetin ata-anasynyń kezinde jasaǵan jaqsylyǵymen bailanystyrdy. Sondai-aq ózine qoldaý kórsetken jandardyń jaqsylyǵy urpaǵyna eselenip qaitsyn dep tilek bildirdi.

“Iá, men álemge ashyqpyn. Óitkeni meniń júregimde áli de qanshama arman, qanshama mahabbat, qanshama ádemi bastamalar bar!” – dep túiindedi ol.

Móldir Muqan kim?

Móldir Muqan — qazaqstandyq prodiýser ári ánshi. Ol kontsertter men shyǵarmashylyq jobalardy uiymdastyryp, balalarǵa arnalǵan “MM” óner mektebin ashqan. Mamandyǵy — ekonomist. Óziniń aitýynsha, joǵary oqý ornyn úzdik diplommen bitirip, 21 jasynan bastap memlekettik qyzmette jumys istegen.

Ol dombyrashy ári ánshi Aqtoty Bolyshevamen prodiýser retinde jumys istegen. 2025 jyly “Shái v bolshom gorode” filminiń prodiýseri boldy. Óz oryndaýyndaǵy “Ótirik” jáne “Ómir súr qalma elden” ánderin jaryqqa shyǵarǵan.

Móldir Muqan kópshilikke ázilkesh Tursynbek Qabatovtyń burynǵy jubaiy retinde de tanys. Ekeýiniń ortaq bes balasy bar. Ol 2025 jyly Qabatovpen resmi túrde ajyrasqanyn málimdedi.