«Aiqyn» gazetiniń saitynda «Almatydaǵy «Altyn orda» bazary taratyldy» degen aqparat jariialandy.
Munda mynadai joldar bar: «Sot qujatyna sáikes, JShS uzaq ýaqyt boiy salyq zańnamasynda kózdelgen mindettemelerdi oryndamaǵan. Alaida sot otyrysyna kompaniia ókili qatysqan joq. Osylaisha, sot talap aryzdy qanaǵattandyrýǵa sheshim qabyldady. pk.adata.kz. aqparaty boiynsha «Altyn Orda bazary» JShS 2022 jyldyń 24 qańtarynda taratyldy».
«Altyn orda» bazary Almaty oblysynyń aýmaǵynda ornalasqan. Biraq Almaty qalasyn azyq-túlikpen, et-sút ónimderimen qamtamasyz etetin eń iri saýda ortalyǵy. Ári elimizdiń basqa óńirlerine de taýar jiberiledi.
Bul jerde manipýliatsiia belgisi bar. Taqyrypta klikbeit ádisi paidalanylǵan. «Altyn orda» bazary taratyldy degennen keiin oqyrman bazar tarady dep túsinetini anyq. Al shyn máninde bazar iesi sanalatyn seriktestik taraǵan. Al bazar jumys istep tur.
***
Egemen.kz saitynda «Nesie «qamytyn» kigender kóbeidi» degen material jaryq kórgen.
Maqala: «Qazaqstanda nesiege «bailanǵan» adam kóp», – dep bastalady. Bul – emotsiiaǵa áser etýdi kózdeitin sóilem. Maqala avtory: «Ulttyq bank júrgizgen saýalnama nátijesi ekonomikalyq belsendi nemese kishigirim qyzmette júrgen azamattardyń 90 paiyzy ailyq pen ailyqtyń arasynda kún kóretinin kórsetken», – dei kele, «qazir jurtshylyqtyń qaryzsyz ómir súrýi barynsha shektelgen» degen tujyrym jasaidy. Bul jerde manipýliatsiia belgisi bar. Sebebi, Ulttyq bank júrgizgen saýalnama qashan jasalǵany, oǵan qansha adam qatysqany, olardyń kim ekeni, jasy, jynysy, turǵylyqty jeri týraly aqparat joq.
Buǵan qosa, maqalada nesie alýǵa qatysty naqty merzim kórsetilmegen. Naqty merzimi kórsetilmegendikten, túsiniksiz.
Qarjy naryǵyn qadaǵalaý jáne damytý agenttigi de nesie alý kóleminiń artqanyn kórsetedi. Biraq, onda naqty merzimi kórsetilgen. Mysaly, biylǵy jyldyń 8 aiynda tutyný qaryzy 23,8%-ǵa artqan deidi.
Memlekettik nesie biýrosy tutyný nesiesin alatyndar negizinen Almaty, Nur-Sultan, Shymkent qalalarynda ekenin aitady. Al egemen.kz saityndaǵy maqalada bul týraly da aitylmaýy maqalada magipýliatsiia belgisi kóp ekenin kórsetedi.
