«ايقىن» گازەتٸنٸڭ سايتىندا «الماتىداعى «التىن وردا» بازارى تاراتىلدى» دەگەن اقپارات جارييالاندى.
مۇندا مىناداي جولدار بار: «سوت قۇجاتىنا سەيكەس, جشس ۇزاق ۋاقىت بويى سالىق زاڭناماسىندا كٶزدەلگەن مٸندەتتەمەلەردٸ ورىنداماعان. الايدا سوت وتىرىسىنا كومپانييا ٶكٸلٸ قاتىسقان جوق. وسىلايشا, سوت تالاپ ارىزدى قاناعاتتاندىرۋعا شەشٸم قابىلدادى. pk.adata.kz. اقپاراتى بويىنشا «التىن وردا بازارى» جشس 2022 جىلدىڭ 24 قاڭتارىندا تاراتىلدى».
«التىن وردا» بازارى الماتى وبلىسىنىڭ اۋماعىندا ورنالاسقان. بٸراق الماتى قالاسىن ازىق-تٷلٸكپەن, ەت-سٷت ٶنٸمدەرٸمەن قامتاماسىز ەتەتٸن ەڭ ٸرٸ ساۋدا ورتالىعى. ەرٸ ەلٸمٸزدٸڭ باسقا ٶڭٸرلەرٸنە دە تاۋار جٸبەرٸلەدٸ.
بۇل جەردە مانيپۋلياتسييا بەلگٸسٸ بار. تاقىرىپتا كليكبەيت ەدٸسٸ پايدالانىلعان. «التىن وردا» بازارى تاراتىلدى دەگەننەن كەيٸن وقىرمان بازار تارادى دەپ تٷسٸنەتٸنٸ انىق. ال شىن مەنٸندە بازار يەسٸ سانالاتىن سەرٸكتەستٸك تاراعان. ال بازار جۇمىس ٸستەپ تۇر.
***
Egemen.kz سايتىندا «نەسيە «قامىتىن» كيگەندەر كٶبەيدٸ» دەگەن ماتەريال جارىق كٶرگەن.
ماقالا: «قازاقستاندا نەسيەگە «بايلانعان» ادام كٶپ», – دەپ باستالادى. بۇل – ەموتسيياعا ەسەر ەتۋدٸ كٶزدەيتٸن سٶيلەم. ماقالا اۆتورى: «ۇلتتىق بانك جٷرگٸزگەن ساۋالناما نەتيجەسٸ ەكونوميكالىق بەلسەندٸ نەمەسە كٸشٸگٸرٸم قىزمەتتە جٷرگەن ازاماتتاردىڭ 90 پايىزى ايلىق پەن ايلىقتىڭ اراسىندا كٷن كٶرەتٸنٸن كٶرسەتكەن», – دەي كەلە, «قازٸر جۇرتشىلىقتىڭ قارىزسىز ٶمٸر سٷرۋٸ بارىنشا شەكتەلگەن» دەگەن تۇجىرىم جاسايدى. بۇل جەردە مانيپۋلياتسييا بەلگٸسٸ بار. سەبەبٸ, ۇلتتىق بانك جٷرگٸزگەن ساۋالناما قاشان جاسالعانى, وعان قانشا ادام قاتىسقانى, ولاردىڭ كٸم ەكەنٸ, جاسى, جىنىسى, تۇرعىلىقتى جەرٸ تۋرالى اقپارات جوق.
بۇعان قوسا, ماقالادا نەسيە الۋعا قاتىستى ناقتى مەرزٸم كٶرسەتٸلمەگەن. ناقتى مەرزٸمٸ كٶرسەتٸلمەگەندٸكتەن, تٷسٸنٸكسٸز.
قارجى نارىعىن قاداعالاۋ جەنە دامىتۋ اگەنتتٸگٸ دە نەسيە الۋ كٶلەمٸنٸڭ ارتقانىن كٶرسەتەدٸ. بٸراق, وندا ناقتى مەرزٸمٸ كٶرسەتٸلگەن. مىسالى, بيىلعى جىلدىڭ 8 ايىندا تۇتىنۋ قارىزى 23,8%-عا ارتقان دەيدٸ.
مەملەكەتتٸك نەسيە بيۋروسى تۇتىنۋ نەسيەسٸن الاتىندار نەگٸزٸنەن الماتى, نۇر-سۇلتان, شىمكەنت قالالارىندا ەكەنٸن ايتادى. ال egemen.kz سايتىنداعى ماقالادا بۇل تۋرالى دا ايتىلماۋى ماقالادا ماگيپۋلياتسييا بەلگٸسٸ كٶپ ەكەنٸن كٶرسەتەدٸ.
