Facebook feik jańalyqtardy anyqtaý úshin birneshe kompaniiamen kelisimshartqa otyrǵan bolatyn. VVS basylymy bul kelisim rasymen jalǵan aqparatqa qarsy kúrese ala ma degen suraqqa jaýap izdep kórgen.
«Eki jyl buryn Faktilerdi tekserýdiń halyqaralyq kúni bekitilgen bolatyn. Facebook kompaniiasynda faktilerdi tekserýmen ainalysatyn mamandar bul jumystyń ázirge tiimsiz ekenin aitýda», - dep jazady basylym.
Avtordyń sózine qaraǵanda, sarapshylar atalmysh áleýmettik jeliniń jalǵan aqparatqa qarsy soǵysqa múldem daiyn emes ekenin aityp jatyr.
«Búgingi tańda Facebook-te búkil álem boiynsha 43 kompaniia 24 tilde faktilerdi tekserýmen ainalysady. Facebook ár maqalany tekserýge 800 dollar tóleidi. Mysaly, Latyn Amerikasyn alsaq, ol jaqta 491 material teskerý kezegin kútip tur eken. Mamandardyń kóbi Facebook 2018 jyldyń sońynan beri faktilerdi tekserýdi qolǵa almai jatqanyn aitýda», - delingen aqparatta.
